________________
મરણસમાધિ: એક અધ્યયન
33
ગચ્છ તથા કુગચ્છનું લક્ષણ, ગીતાર્થનો મહિમા, અગીતાર્થની નિંદા અને અગીતાર્થની સોબત નહીં કરવાનો ઉપદેશ અહીં આપ્યો છે.
ગ્રંથના અંતે કહ્યું છે કે ગચ્છાચારમાં બતાવેલાં આચાર પ્રમાણે ગચ્છમાં રહીને પરમોલ્લાસથી સંયમાદિની સાત્વિક આરાધના કરશે તેઓ જરૂર મુક્તિના અવ્યાબાધ સુખો પામશે. ૧૫) સારાવલી:
જૈનગ્રંથાવલી પૃ.૬૬ ઉપર પ્રસ્તુત ગ્રંથનો ઉલ્લેખ છે. ગ્રંથકાર અજ્ઞાત છે. શ્રી અમૃતલાલ ભોજકે પ્રકાશિત કરેલાં પDણયસુત્તાઈ ભાગ-૧માં (પૃ.૩૫૦ થી ૩૬૦) આ પ્રકીર્ણક પ્રકાશિત થયું છે.
૧૧૬ ગાથાના આ પ્રકીર્ણકમાં શત્રુજ્ય મહાતીર્થની સાર એટલે કે શ્રેષ્ઠ ગુણ - સ્તવના છે. વળી શત્રુંજયના ૨૧ નામ જે હાલમાં પ્રચલિત છે તેનું મૂળસ્થાન પણ આ પ્રકીર્ણક છે. તેમ જ આ પ્રકીર્ણકના આધારે શત્રુંજ્યના મહાકલ્પાદિની રચના થઈ છે.
પાંચ પરમેષ્ઠિનું મહાભ્ય તથા ઋષભદેવના મુખ્ય ગણધર પુંડરીક સ્વામીનું ચરિત્ર ગ્રંથમાં વર્ણવાયું છે. આ સઘળી વાત અતિમુક્તક કેવલીભગવંત નારદજીને કહે છે. વળી, શત્રુંજ્યના પૂજ્યત્વવિશે,નારદઋષિની દીક્ષા, કેવળજ્ઞાન પ્રાપ્તિ, મોક્ષપ્રાપ્તિ વગેરે હકીકત અહીં જાણવા મળે છે. તેમ જ શત્રુંજય ઉપર કરેલાં દાનનું અમૂલ્ય ફળ, પ્રકીર્ણકની નકલ કરાવવાનું ફળ પણ અહીં જણાવ્યું છે. ૧૬) જોઈસકરંડગ (જ્યોતિષકરંડક):- પ્રસ્તુત પ્રકીર્ણકનો જૈન ગ્રંથાવલી (પૃ.૬૪)માં ઉલ્લેખ છે. પરણ્યસુત્તાઈ ભાગ-૧માં અમૃતલાલ ભોજક દ્વારા પ્રસ્તુત પ્રકીર્ણક (પૃ.૩૬૧-૪૦૮) પ્રકાશિત થયું છે. પ્રકીર્ણકની કુલ ગાથાઓ ૪૦પ છે. પ્રસ્તુત પ્રકીર્ણક ઉપર આચાર્ય મલયગિરિ દ્વારા વૃત્તિ રચાઈ છે.
૬૯. પ્રવચન કિરણાવલી-પૃ.૪૬૮. ૭૦. જૈન ગ્રંથાવલી પૃ.૬૪ તથા પઈષ્ણયસુત્તાઈ-૧. પૃ.૫૬.
