________________
આગમના અધ્યયનના આ કાર્યમાં સૌ પ્રથમ મને દોરવણી આપનાર, તથા વખતોવખત પ્રોત્સાહન તથા સૂચન આપનાર શાસનસમ્રાટનેમિસૂરીશ્વરના સમુદાયના પૂજય આચાર્યદેવ શ્રી હેમચન્દ્રસૂરીજીની હું સદાયે ઋણી રહીશ. મરણસમાધિ ગ્રંથમાં આવેલી ઘણી કઠીન ગાથાઓની સમજૂતી-અનુવાદમાં પૂજ્ય આચાર્યશ્રી શીલચન્દ્રસૂરિજીએ ઘણું જ માર્ગદર્શન આપ્યું છે તે બદલ હું તેમની પણ ઋણી છું. વળી મારા આ કાર્યને “આનંદની ઘટના” દર્શાવી માનસિક બળ આપનાર પૂજ્ય આચાર્યશ્રી પ્રદ્યુમ્નસૂરિજીનો પણ હું ઘણો આભાર માનું છું.
પૂજ્ય આગમ પ્રભાકર મુનિ શ્રી પુન્યવિજયજી મહારાજ સાહેબે ઘણા પ્રકીર્ણકોનું સંશોધન કર્યું હતું. પંડિત અમૃતલાલ ભોજકે સંપાદિત કરેલ આ પ્રકીર્ણકો બે ભાગમાં મહાવીર જૈન વિદ્યાલયે પ્રકાશિત કરેલ છે. આ ગ્રંથો મને ખાસ ઉપયોગી બન્યા છે. આ માટે હું પં.અમૃતલાલભાઈનો અત્રે આભાર માનું છું.
આગમ સાહિત્યના પ્રખર અભ્યાસી પંડિત દલસુખભાઈ માલવણિયા તથા અન્ય વિદ્વાનોના ગ્રંથોનો મેં ઉપયોગ કર્યો છે તે માટે સહુનો અત્રે આભાર માનું છું. પ્રાકૃત ભાષાના મૂર્ધન્ય વિદ્વાન ડો.ભાયાણી સાહેબ અને ડો.કે.આર.ચન્દ્રાસાહેબે જ્યારે પણ જરૂર પડી ત્યારે પ્રેમપૂર્વક માર્ગદર્શન આપ્યું છે તે માટે હું તેમની ઋણી છું. લા.દ.વિદ્યામંદિરના સર્વ કર્મચારીઓના સાથ બદલ તે સર્વેનો પણ અત્રે આભાર માનું છું.
આ ઉપરાંત વિજય રામસૂરીજી ડેલાવાળાનો જૈન જ્ઞાનભંડાર, આંબાવાડી જૈન જ્ઞાનભંડાર, શારદાબેન ચીમનલાલ સંસ્થાનો મને જે સહકાર સાંપડ્યો છે તે બદલ હું સૌનો આભાર માનું છું. દિગંબર ગ્રંથ “ભગવતી આરાધના ઘણા સમય સુધી મને ન મળતાં તેને મહાવીર જૈન દિગંબર મંદિરમાંથી (કૉમર્સ કોલેજ પાસે-નવરંગપરા) મેળવી આપવા માટે કરેલી સુરેશભાઈની મહેનતને પણ હું યાદ કરું છું.
આ બધાનો સાથ હોવા છતાં જ્ઞાનના આ યજ્ઞમાં મને પરાણે ઘસડી જનાર અને અંતે તેને પૂર્ણ કરાવવામાં વચનબધ્ધ એવા મારા જીવનસાથીનો
XIV
