________________
રાજધર્મ તરફ આંગળી ચીંધણું
આજના નેતાઓ ભયભીત હોવાથી સઘન સુરક્ષા વિના પ્રજા વચ્ચે હરવા-ફરવાથી દૂર ભાગે છે, એ પોલીસોના પહેરામાં જ રહેતા હોવાથી પ્રજા સાથે એ હળીભળી શકતા નથી, પછી પ્રજાની પીડ જાણવાની અને ભીડ ભાંગવા મથવાની તો આશા જ એ નેતાઓ પાસે ક્યાંથી રાખી શકાય ? હરામ હાડકાં અને હૈયાવિહોણું કાયાનું માળખું ધરાવતા નેતાઓથી વાજ આવી ગયેલી પ્રજા, આજથી થોડા સમય પૂર્વે જ થઈ ગયેલા, નિર્ભય રાજા-રજવાડાંઓ પોતાની પ્રજા માટે શિરછત્ર સમું અને માયાળુ મિત્રસમું કેવું અજબગજબનું વર્તન-વલણ દાખવી ગયા, એની સ્મૃતિ થતાં રોમાંચ અનુભવ્યા વિના ન જ રહે, એમાં આશ્ચર્ય શું?
સયાજીરાવ નજીકના જ ભૂતકાળમાં થઈ ગયેલા આવા રાજવી હતા, પ્રજા વચ્ચે તેઓ નિર્ભયતાપૂર્વક હરતા-ફરતા, નાનામાં નાના માણસની તરફ પણ મદદનો હાથ લંબાવતાં એમને પદ-મદ કે મોટાઈ નડતી નહિ, એમના વ્યક્તિત્વને વરેલી આ જાતની વિરલ વિશેષતાની પ્રતીતિ કરાવતો એક પ્રસંગ જાણવા જેવો છે.
1
સંસ્કૃતિની રસધાર : ભાગ-૫
૧૩
