________________
સંકલ્પ કર્યો હતો. શીલની શુદ્ધિ જાળવવા કાજે શરીરને શૂન્ય બનાવી દેવાની શહાદતને વરવા, જાણી જાણીને ઝેરને પી જવાનો પોતાનો નિરધાર પાર પડે, એ માટે એ મનોમન પ્રભુને પ્રાર્થી રહી : પ્રભો ! ચિત્તની મારી કાળી ડિબાંગ ચાદર પર પણ આપની ભક્તિના ભાતીગળ-રંગોએ અભુત-સૌંદર્ય સર્યું છે. હવે આજે ચિત્તની આ ચાદરને ચોખ્ખી રાખવા મેં મૃત્યુને માગી લેવાનું નક્કી કર્યું છે. મારા આપને છેલ્લા સાષ્ટાંગ નમસ્કાર !
-ને હાથની આંગળીઓને અજવાળતી હીરાની વીંટીને ચૂસતીચૂસતી રામદુલારી પ્રભુ-ચરણે ઢળી પડી. પળો વિતી, ઔરંગઝેબ પોતાના પ્રેમીને ઉઠાવતા ત્યાં પહોંચ્યો. પણ એણે જોયું તો બારદાન પડી રહ્યું હતું. એમાં માલ હાજર ન હોતો ! જે મોતીથી છીપ લાખેલી હતી, એ આત્માના મોતી વિનાના રામદુલારીના દેહની છીપને ઔરંગઝેબ આંસુભીની આંખે નિહાળી રહ્યો !
દેહની દરકાર ખાતર સમય અને સંપત્તિનો હિસાબ ન રાખનારી વારાંગના જ્યારે વિરાંગના બને છે, ત્યારે એ કેટલી હદ સુધી દેહ પર દમનનો કોરડો વીંઝી શકે છે અને પોતાનું વરવ્રત જાળવવા એ કેવું બલિદાન દઈ શકે છે, એનો આદર્શ ખડો કરી જનારી રામદુલારી જનજીભે ગવાઈ રહી !
૭૨
--~~~
-
~~~ સંસ્કૃતિની રસધાર ભાગ-૫
