________________
સંસ્કૃતિની સુરક્ષા કાજે
જ્યારે રૂપ અને રૂપિયાની પ્યાસથી તલસાટ અનુભવતા અકબર બાદશાહે નર્તકી રૂપમૂર્તિના રૂપ-સૌંદર્યની વાતો સાંભળી, ત્યારે એ વધુ તરફડી રહ્યો અને નર્તકીને પોતાના પ્રેમના પાંજરે પૂરવાના દિવાસ્વપ્ર એની આંખમાં ઘેરાઈ રહ્યા.
અકબરે ઘણી ઘણી વિચારણાને અંતે નિર્ણય લઈ લીધો કે, નર્તકીને અનુરાગથી નહિ આજ્ઞાથી જ નાથી શકાશે, અને એણે વળતી જ પળે ઓચ્છા નગરીના અધિપતિ ઈન્દ્ર નરેશ પર આજ્ઞાપત્ર પાઠવ્યો. એમાં લખાવ્યું કે, રૂપમૂર્તિ દિલ્હીના દરબારમાં રૂપના અજવાળા વેરે, એમાં જ એની શોભા છે. કોયલ કાગડાના સંગે બેસે, એથી કમી તો કોયલની કીર્તિમાં જ આવે છે. માટે પત્ર મળતા જ રૂપમૂર્તીને રાજીખુશીથી દિલ્હીશ્વરની સેવામાં સમર્પિત કરશો, એવો વિશ્વાસ છે !
આ આજ્ઞાપત્રના એક એક અક્ષર બાણ બનીને ઈન્દ્રનરેશના કોમળ કાળજાને વધી રહ્યા. એમણે વળતો જ પત્ર લખાવ્યો કે, કોયલના કમનીય કૂજનથી મારું ઉપવન દિનરાત સંગીતમય જ ભાસે
અte : ભાગ-૫
