________________
ઓળખાવતાં એઓ ગર્વ અનુભવતા હતા, આટલી હદ સુધીની ભોળાનાથની ભક્તિ એમના હૈયાના સાગરે ભરતી જેવા ઉછાળા મારતી ઘૂઘવતી હતી..
રાજવી વાજસુર એક દહાડો સોમનાથનાં દર્શન માટે ગયા. દર્શન કર્યા બાદ આરતી ઉતારવાનો લાભ લેતાં લેતાં એમની નજર એક બ્રાહ્મણ પર પડી, જે ખડે પગે ધ્યાન-મગ્ન બનીને સોમનાથની સેવામાં ખોવાઈ ગયો હતો. પૂજારીઓ સાથે પૂછપરછ કરતાં કરતાં રાજવીને એટલું જાણવા મળ્યું કે, આ બ્રાહ્મણ ઘણા દિવસથી આ રીતે ભક્તિ કરી રહ્યો છે, અને ભોળાનાથ પ્રસન્ન ન થાય, ત્યાં સુધી ઉપવાસ કરવાનો એનો અટંકી નિર્ણય-નિયમ છે.
બ્રાહ્મણની નિષ્ઠાભરી આવી ભક્તિની વાત સાંભળીને વાજસુર ખાચરને વધુ વિગત જાણવાની ઉત્કંઠા જાગી. માળા દ્વારા જાપ કરતા બ્રાહ્મણને એમણે પૂછ્યું : ભૂદેવજી ! તમારી શક્તિની વાતો સાંભળીને હું તમારી પર ખુશ થયો છું અને એ જાણવા ઇચ્છું કે, કયા કારણસર તમે ભોળાનાથને રીઝવવા માંગો છો ? ભોળાનાથની આવી ભક્તિના પ્રભાવે તમે શું ઇચ્છી રહ્યા છો, એ જાણવાની મારી ઇચ્છા છે.
માળા પૂરી થતાં બ્રાહ્મણે આંખ ખોલી, પ્રશ્નકર્તા તરીકે સામે ખડી રહેલી વ્યક્તિને વાજસુર ખાચર તરીકે ઓળખી જઈને જવાબ આપવો જરૂરી જણાતાં બ્રાહ્મણે કહ્યું : આ ભોળાનાથ ભીડભંજન તરીકે પ્રસિદ્ધ છે. ઘણા ઘણાની ભારેમાં ભારે ભીડ પણ આ ભોળાનાથે ભાંગી છે, એથી મારી એક નાનકડી ભીડ ભાંગવા હું આ ભોળાનાથને દિવસોથી ભજી રહ્યો છું. પણ આ ભોળાનાથ હજી રીઝતો નથી, એ જાણે મારી કસોટી કરવા માંગે છે. પણ મેં તો મારી જીવનનાવ આ ભોળાનાથને ભરોસે તરતી મૂકી દીધી છે. એને એ તારવી હોય તો તારે, ડુબાડવી હોય તો ડુબાડે. ભોળાનાથ પ્રસન્ન થાય, એ પછી જ સોમનાથની બહાર પગ મૂકવાનો મારો અફર નિર્ણય છે.
૩ર
~~~~~
————— સંસ્કૃતિની રસધાર ભાગ-૫
