________________
ગોળ અને ધાણાં ! ફરી ક્યારે આવશે આવા ટાણાં ! રાજાજી ! પણ પ્રિયદર્શનાની એટલી ઈચ્છા છે કે, લગ્ન પહેલા એક દહાડો રાજકુમાર મળી જાય. આજથી આઠમે દહાડે રાજકુમાર મળવા આવશે, તો એના આનંદનો પાર નહિ રહે !”
સૌન્દર્યસેન માટે તો ભાવતું હતું ને વૈદે બતાવ્યા જેવો ઘાટ હતો. રાજાજીએ આ વાતનો સ્વીકાર કરતા કહ્યું : ઓહો ! નગરશેઠ ! આમાં કઈ મોટી વાત છે? જાવ, રાજકુમાર આઠમે દિવસે તમારે ત્યાં આવશે.
સભામાં હર્ષ છવાઈ ગયો. સૌન્દર્યસેનનો આનંદ હૈયાપાત્રમાંથી બહાર છલકાતો હતો. આઠ દિવસ પછીની સ્વપ્ર-સૃષ્ટિમાં એ કલ્પનાવિહાર માણી રહ્યો !
સંકેત-સ્થળમાં પ્રિયદર્શનાએ પગ મૂક્યો. એની પાછળ મખમલથી ઢાંકેલા પાંચ છ મૂંડા લઈને સેવકોએ પ્રવેશ કર્યો. કૂંડા યોગ્ય સ્થળે મૂકીને સેવકો વિદાય થઈ ગયા !
સંકેત સ્થળ સૌન્દર્યથી સુશોભિત હતું. વાતાવરણમાં સુગંધનો સાગર લહેરાઈ રહ્યો હતો. વાતાયનની વાટેથી આવતા સૂર્યના પ્રકાશ સાથે ભળી જતી ધૂમ્રસેરો કોઈ અભૂત-સૃષ્ટિ સરજી રહી હતી.
મેઘ-બિંદુને પામવા ઝૂરતા ચકોર જેવા તલસાટ અને તરવરાટ સાથે સૌંદર્યસેને એ સંકેત સ્થળમાં પગ મૂક્યો. પણ પગ મૂકતાંની સાથે જ એની સ્વપ્ર-સૃષ્ટિ કડડભૂસ કરતી તૂટી પડી ! ભયથી બેબાકળા બનીને એણે રાડ નાખી : ભૂત !
-ને ભયનો માર્યો સૌંદર્યસેન બહાર કૂદી આવ્યો. એના અંગ અંગમાં ભયની ભૂતાવળ વ્યાપી ગઈ. નખથી શિખ સુધી એ થરથર કંપી રહ્યો. એની આંખો ભયથી ચકળ-વિકળ થતી ઘૂમી રહી.
સંસ્કૃતિની રસધાર ભાગ-૫
—
—
- ૫૫
