________________
વારાંગના જ્યારે વીરાંગના બને છે
ભારતનો હજી નજીકનો જ એ ભૂતકાળ કેટલો ભવ્ય હતો, જ્યારે વારાંગના પણ વીરાંગના બની શકતી ! જ્યારે આજની આ “આજ’ કેટલી તારાજ. દગાબાજ ને નખરાબાજ છે કે, વીરાંગનાઓ પણ વારાંગના જેવું વર્તન કરતાં લાજતી નથી. ભૂતકાળની ભવ્યતાનું નજરાણું લઈને, અહીં એક એવી વારાંગના શબ્દદેહ ધરીને ખડી છે કે, શીલના શણગારને અણદાગ રાખવા, એણે જે વીરાંગના-વૃત્તિ દાખવી, એ જોઈને કોઈપણ સ્તબ્ધ બની ગયા. વિના ન રહે !
જીવનમાં કઈ પળે ક્યા પ્રસંગે અને કઈ પરિસ્થિતિમાં પરિવર્તન આવી જાય છે, એ કહેવું આસાન વાત નથી ! વારાંગના રામદુલારીના દિલ પર ઝીંકવામાં આવેલો એ ફટકો, એના જીવનને કોઈ અકથ્ય વળાંક આપશે, એવો આંશિક અંદેશો પણ એની માના મનમાં ક્યાંથી આવી શકે ?
રામદુલારી એક લોકપ્રિય વારાંગના હતી. એના રૂપની રોશનીમાં અનેક પ્રેમી પતંગિયાઓ ઝંપલાવવા તૈયાર રહેતા. રામદૂલારી એક સંસ્કૃતિની રસધાર ભાગ-૫ –
૬૫
