________________
સંભળવા મળ્યા છે કે, એણે સતના આ સંગ્રામના વિજયની બધી ખુશાલી પર પાણી ફેરવવાનું કામ કર્યું છે. એ સમાચાર જો સાચા હોય તો....
રાવ-સાતલજી જરા થાક ખાવા અટક્યા. ભાઈઓને થયું કે, કંઈ આંધળે બહેરું કુંટાણું લાગે છે ! એથી એમણે કહ્યું : વડીલબંધુ ! અજમેર બહુ જ બૂરી રીતે બહિષ્કૃત થઈને બાયેલાની જેમ રણને છોડી ગયું છે. જેની ખાતર આ ધર્મયુદ્ધને જગવવામાં આપ્યું હતું. એ આપણી મા-બેટી-બહેનો સુરક્ષિત રીતે આપણા તાબામાં ને તંબૂમાં આવી ગઈ છે. આટલું જ નહિ, વેરની પૂરી વસૂલાત લેવા, આપણી સેનાએ આંધી જેવા આઘાતનો, પ્રલય જેવો પ્રત્યાઘાત વાળવા, મુસ્લિમ સુંદરીઓને કેદ કરી નાખી છે. કેટલી બધી ખુશાલીની આ ખબરો છે! છતાં આપને એવા તે ક્યા માઠા સમાચાર મળ્યા કે, જેણે આપના મોતની મજા મારી નાખી !
શરીરમાં શક્તિ ન હતી, છતાં ખોખારો ખાઈને ખમીરથી સાતલજીએ સામો પ્રશ્ન કર્યોભાઈઓ ! આને તમે ખુશાલી કહો છો ! જે પ્રશ્નના ઉકેલ ખાતર આપણે યુદ્ધ ખેલ્યું, એ યુદ્ધના વિજય પર તમે મુસ્લિમમહિલાઓને કેદ કરીને પાણી ફેરવી દીધું છે. સ્ત્રી-માત્રને મા-બહેનબેટીની નજરે જોવાની સંસ્કૃતિના ધાવણને તમે આજે લજવ્યું છે. અજમેર આપણા સ્ત્રી ધનને લૂંટે અને આપણે એની બહેન-બેટીઓ પર કુનજર-કરીએ, તો પછી અજમેર અને જોધપુરમાં ફેર શો રહ્યો! મારા મરણનો સ્વાદ બગાડનાર આ સમાચાર છે. જ્યાં સુધી તમે અજમેરના સૂબાને એ સ્ત્રીઓ સન્માનભેર પાછી નહિ સોંપો, ત્યાં સુધી મારો જીવ અંદર ઘોળાયા જ કરશે. કદાચ હું મરીશ, તોય મોજથી નહિ મરું. માટે મને મોજથી મરવા દેવો હોય, તો પહેલું કામ આ કરો.
સંસ્કૃતિની રસધાર : ભાગ-૫
~~~
~~~~
~~
~~~~~ ૧૧૯
