________________
કરી. અંતે પુત્રી-હઠની આગળ એમને નમતું તોળવું પડ્યું ભારે હૈયે, દુભાતે દિલે એમણે પુત્રીની આગળ બધી વાત કરી દીધી. - પ્રિયદર્શના પણ બધી વાત સાંભળીને એકવાર તો સન્ન રહી ગઈ ! ઘડી બે ઘડી સુધી એ ગંભીર વિચારમાં ડૂબી ગઈ. અંધારામાં વીજ ઝબૂકી જાય, એમ એક ઉપાય અંતે એને જડી આવ્યો. એ પિતાજી પાસે પહોંચી ગઈ. એણે કહ્યું :
“પિતાજી ! આપ રાજાજીને ખબર આપો કે, અઠવાડિયા પછી રાજકુમાર એકવાર મળી જાય. પછી લગ્નનો વિચાર કરીશું !'
પ્રિયદર્શનાએ પોતાની યોજના પિતાજીને કહી સંભળાવી. એ યોજના સાંભળીને નગરશેઠ બોલી ઉઠ્યા કે, બેટી ! દેહ પર આવો જુલમ ? શરીર સાથે આવી જીવલેણ રમત ? પળ પળના જતન પછી જે લોહી, માંસ ને મેદ ઉભા કર્યા, એનો આવો વિનાશ !
પ્રિયદર્શનાએ કહ્યું : પિતાજી ! હું સંસ્કૃતિની પૂજારણ છું. આ પૂજાએ મને એવા પાઠ પઢાવ્યા છે કે, પહેલી સંસ્કૃતિ, પછી સૌન્દર્યનું ભલે લીલામ થઈ જાય ! પણ પહેલી સલામ તો હું સંસ્કૃતિને જ ભરવાની !
સંસ્કૃતિ-રક્ષા કાજેની એ યોજનાને અમલી બનાવવા એક વૃદ્ધવિશ્વાસુ વૈદરાજને બોલાવી લાવવાની સેવકને આજ્ઞા આપીને, નગરશેઠ રાજભવન તરફ વિદાય થયા.
હસતા ચહેરે આવી રહેલા નગરશેઠને આવકારતા રાજાએ કહ્યું : પધારો, નગરશેઠ ! કેમ આપણી વાત નક્કી ને ?
નગરશેઠે ઉત્સાહથી જવાબ વાળ્યો :
“મહારાજ ! લક્ષ્મી ચાંલ્લો કરવા આવે, ત્યારે કંઈ મોં ધોવા થોડું જ જવાય છે ! આપના જેવા જમાઈરાજને જાકારો દઉં, એટલો હું મુર્ખ નથી. પ્રિયદર્શનાએ આપના માંગા પર ખુશાલી વ્યક્ત કરી છે. વહેંચો ૫૪ - -
-- સંસ્કૃતિની રસધાર ભાગ-૫
