Jain Stotra Sangraha Part 01

Author(s): Yashovijay Jain Pathshala
Publisher: Yashovijay Jain Pathshala

Page 17

अथास्मच्छब्दरूपाङ्कितनवस्तवी योगक्षेमविधायक तव नायकतामभीप्सामः ॥ ७ ॥ प्रकटीकृतजगतीगतजीवाजीवादिभावसद्भावे । सुज्ञायकीकृताऽस्मयि तवागमे स्तादतिर्नित्यम् ॥८॥ अस्मच्छब्दबहुत्वाऽन्यपदैकत्वाङ्कितार्हतः। श्रीज्ञानसागरस्याऽस्तु स्तुतिरेखा सुखाय नः ॥ ९॥ इति अस्मच्छब्दबहुवचनमयः श्रीवीरस्तवस्तृतीयः ।
॥अर्हम् ॥ अर्बुदगिरिवरभूषणमदूषणं तीर्थकरनाथम् । स्तुतिपथमानेताऽस्मि प्रसृमरमहिमानमितमानम्॥१॥ कल्पद् इव ते पादौ मनो ऽभीष्टार्थदायकौ । सेव्यावुपान्तविश्रान्तमां केषां नैव धीमताम् ॥२॥ आसादि यत्प्रसादाद्धर्मः शिवशर्मकृद्भवदुपज्ञः। पितरौ तावतिवन्दे प्रभूतमां दुष्प्रतीकारौ ॥ ३ ॥ असाधारणसौभाग्यभवद्रूपनिरूपणे । भूयोव्यापृतमाभ्यां स्वचक्षु| सफलोऽस्म्यहम् ॥४॥ एतगिरिसत्काभ्यां त्वद्योगात्सर्वतीर्थभूताभ्याम् । मङ्गलमवनतमाभ्यामधित्यकोपत्यकाभ्यां स्तात् ॥५॥