________________
૪
~
આઠ દૃષ્ટિની સક્ઝાય પોતાની મેળે હાથમાં આવતો નથી. તેથી નિરંતર લક્ષમાં રાખવા યોગ્ય છે કે આ યોગસાઘન માત્ર મોક્ષાર્થે શ્રી વીર ભગવાનના ઉપદેશને અનુસરીને કરવાનું છે. અન્ય મતોમાં હઠવાદ કે રિદ્ધિ સિદ્ધિ અર્થે યોગસાઘન કરાય છે તેમ ન થવા “શિવ સુખ કારણ” એટલે કેવળ નિરુપદ્રવ મોક્ષસુખ પ્રાપ્તિ માટે એ હેતુ પહેલેથી છેલ્લે સુધી લક્ષમાં રાખવા અહીં પ્રથમ શબ્દમાં જ કહ્યો છે. આ કાળના શાસન નાયક છેલ્લા તીર્થકર શ્રી મહાવીર સ્વામીના ગુણ–પરમ ઉપકાર–ને સ્તવીને ઘર્મની પુષ્ટિપ્રભાવના કરીશું. અર્થાત્ આ દ્રષ્ટિથી પોતાને તેમ જ અન્યને આત્મધર્મની પ્રાસિ–મોક્ષની આરાઘના–થશે.
આમાં સર્વ કથન શ્રી વીર પ્રભુની દેશના અનુસાર છે. સઘન અઘન દિન રયાણીમાં, બાલ વિકલને અનેરા રે; અર્થ જુએ જેમ જુજુઆ, તેમ ઓઘનજરના ફેરા રે.
વીર જિનેસર દેશના. ૨ વાદળાંવાળા કે વાદળાં વગરના દિવસ કે રાત્રિમાં, કોઈ બાળક, વૃદ્ધ, ચિત્તભ્રમવાળા કે વિકારી નેત્રવાળા મનુષ્યો કે પશુ વગેરે એક જ પદાર્થને જેમ જુદા જુદા પ્રકારે દેખે છે, સમજે છે, તેમ જગતના જીવો ઘર્મ સંબંધી પોતપોતાની સમજણ, ક્ષયોપશમ, કુલસંસ્કાર તથા મળેલા ઉપદેશ અનુસાર અનેક ભિન્ન ભિન્ન દ્રષ્ટિ અથવા મત ઘરાવે છે. દર્શન જે થયાં જુઓ, તે ઓઘ નજરને ફેરે રે, ભેદ થિરાદિક દ્રષ્ટિમાં, સમકિત દ્રષ્ટિને હેરે રે.
વીર જિનેસર દેશના. ૩
