________________
SO
આઠ દૃષ્ટિની સક્ઝાય જૈનદર્શનમાં યોગી મુનિઓ તેને અસંગ અનુષ્ઠાન નામથી ઓળખે છે.
આ તો છેક ઉપરની વાત કહી પરંતુ તે પહેલા યોગની પ્રાપ્તિ અર્થે પણ અસંગક્રિયાનું અત્યંત મહત્વ છે. તે વિષે પરમ તત્ત્વજ્ઞ શ્રીમદ્ રાજચંદ્ર વચનામૃત આંક ૪૩૦ માં નિર્દેશ કર્યો છે તે અહીં વિચારવા યોગ્ય છે. “કલ્યાણ જે વાટે થાય છે તે વાટનાં મુખ્ય બે કારણ જોવામાં આવે છે. એક તો જે સંપ્રદાયમાં આત્માર્થે બઘી અસંગપણાવાળી ક્રિયા હોય, અન્ય કોઈ પણ અર્થની ઇચ્છાએ ન હોય, અને નિરંતર જ્ઞાનદશા ઉપર જીવોનું ચિત્ત હોય, તેમાં અવશ્ય કલ્યાણ જન્મવાનો જોગ જાણીએ છીએ. એમ ન હોય તો તે જોગનો સંભવ થતો નથી.”
અસંગપણું એટલે આત્માર્થ સિવાયના સંગમસંગમાં પડવું નહીં–” વગેરે કહી છેવટે સર્વ પ્રતિબંઘથી છૂટવા કહ્યું છે.
અહીં સાતમી દ્રષ્ટિમાં જે અસંગક્રિયા કહેવી છે તે તો અપ્રતિપાતી ધ્યાનની છેવટની અવસ્થા છે કે જ્યાંથી આગળ શ્રેણી માંડીને જીવ મુક્ત થાય છે. શ્રી યશોવિજયજી કહે છે કે એ રીતે યોગીઓ અસંગભાવથી અખંઘકક્રિયા કરીને નિર્મળ પરિણામને સાથે છે અને એ જ મોક્ષમાર્ગ છે.
છે જે
