________________
આઠ દૃષ્ટિની સઝાય શાસ્ત્ર ઘણાં મતિ થોડલી, મ.
શિષ્ટ કહે તે પ્રમાણ; મ. - સુયશ લહે એ ભાવથી, મ
ન કરે જૂઠ ડફાણ. મ. ૫ શાસ્ત્રો ઘણાં છે, તેનો પાર નથી. તે બઘા સમજવા જેટલી બુદ્ધિ પણ મારામાં નથી. વળી આ કાળમાં આયુષ્ય ઓછાં તેથી આસપુરુષ જ્ઞાની કહે તે માન્ય કરવું. જ્ઞાની જાણે છે એવો ભાવ થયો તો એમણે કહ્યું તે માન્ય કરવું. જ્ઞાનીનું વચન તે જ શાસ્ત્ર છે ને તે જ મને તારવાને સમર્થ છે, અનાદિકાળથી શાસ્ત્રાભ્યાસ વગેરે તો ઘણું કર્યું પરંતુ આ નથી કર્યું, એમ જ્ઞાની પર શ્રદ્ધા વધતી જાય છે. આપ્તપુરુષ કહે તે માન્ય કરવા યોગ્ય છે એ ભાવ પ્રાપ્ત થવાથી સ્વચ્છેદે સમજવા સમજાવવાનો ડોળ ન કરે. તેમજ જે ગુણ પોતાને પ્રગટ્યો નથી તે હોવાનો જૂઠો અસત્ય આડંબર કરે નહીં, આત્માર્થ સિવાયની બીજી નકામી વાતચીતોમાં વઘારે ખોટી ન થાય. છાણાનો અગ્નિ ગુપ્ત રીતે લાગ્યા કરે તેમ આત્મહિતનું કાર્ય ગુપચુપ કર્યા કરે. શ્રી યશોવિજયજી કહે છે કે એમ આ દ્રષ્ટિમાં વર્તતો જીવ લોકમાં સુયશને પામે.
