________________
૪
આઠ દૃષ્ટિની સઝાય ઘર્મ ક્ષમાદિક પણ મટેજી, પ્રગટે ઘર્મ સંન્યાસ; તો ઝઘડા મોટા તણોજી, મુનિને કવણ અભ્યાસ.
મન૨૨ મુમુક્ષુ એવા મુનિઓ તો ક્ષમા આદિને ઘરનારા અને હિત મિત બોલનારા હોય છે. તેમનો લક્ષ તો ક્ષપકશ્રેણી માંડવાનો જ હોય છે. ક્ષપકશ્રેણીમાં ક્ષયોપશમ ઘર્મો–વ્રત, ક્ષમા આદિના વિકલ્પો પણ મૂકવારૂપ ઘર્મસંન્યાસયોગ પ્રગટ થાય છે, ત્યારે આત્માના ક્ષાયિક ઘર્મો પ્રગટે છે. તેથી મુનિઓ તો પરમાર્થ પ્રત્યે લક્ષ રાખે. તુચ્છ નજીવી વાતોમાં મોટા ઝઘડા કરવા તેમને કેમ ઘટે?
અભિનિવેશ સઘળો ત્યજીજી, ચાર લહી જેણે દ્રષ્ટિ તે લેશે હવે પંચમીજી, સુયશ અમૃત ઘનવૃષ્ટિ.
મન. ૨૩ કુતર્ક મોટો શત્રુ છે. તેથી વિપરીત અભિનિવેશ થાય છે. તેને તજવા માટે ૧૧ થી રર ગાથામાં પ્રસંગોપાત્ત કથન કર્યું છે. મુનિઓ તો મહાપુરુષે કહ્યા પ્રમાણે વર્તે છે. પરને લેશ પણ પીડા કરે નહીં, સર્વ પર ઉપકાર કરે, પૂજ્ય પુરુષોનો વિનય કરે, દોષિતની દયા ચિંતવે–એમ મૈત્રી, પ્રમોદ, કરુણા અને માધ્યસ્થ ભાવના ભાવે. એ રીતે સર્વ મિથ્યા આગ્રહોને તજીને પ્રથમની ચાર દૃષ્ટિના ગુણો પ્રગટ કરે તેને પાંચમી સ્થિરાદ્રષ્ટિ પ્રાપ્ત થાય છે. શ્રી યશોવિજયજી કહે છે કે તે સ્થિરાદ્રષ્ટિ અમૃતઘનની વૃષ્ટિ જેવી છે.
