________________
ચીતરાય છે. તેજ રીતે જે કે ધર્મપ્રાણ લોકાશાહના જીવન સંબંધમાં સમાજમાં થોડોઘણો મતભેદ છે. કોઈ કહે છે કે તેમણે દીક્ષા લીધી હતી, અને તે માત્ર છ માસ જ પાળી હતી. આ સંબંધી અમારે શ્રી સંતબાળ સાથે ખૂબ ચર્ચા થઈ હતી. મેં જે જે મુદ્દાઓ તેમની આગળ ધર્યા તેનો તેમણે સપ્રમાણ જવાબ વાળેલો. કોઈ એવું પ્રમાણભૂત સાધન ન હતું કે જેથી લોંકાશાહની દીક્ષાને, તેઓ પ્રમાણભૂત માની શકે. તેમણે એમ પણ ઉમેર્યું કે વિરોધી પક્ષ ભલેને સ્થાનકવાસીઓને ગૃહસ્થના અનુયાયીઓ ગણે તેથી હીવાનું લેશ પણ કારણ નથી. આજે શ્રીમદ્ રાજચંદ્ર (જેઓ ગૃહસ્થ છતાં)નો અનુયાયી વર્ગ સારી સંખ્યામાં છે. આજે ગાંધીજી જેવી મહાન વિભૂતિના બોલને ઝીલનારા લાખો દેશસેવકો છે તેમ ધર્મપ્રાણ લોકાશાહ ગૃહસ્થ છતાં “ગૃહસ્થ છતાં પાળે સંન્યાસ'ના ન્યાયાનુસાર લાખો મનુષ્યોમાં અહિંસા અને ધર્મક્રાન્તિની પ્રબળ જ્યોત જન્માવી શક્યા હતા. આમ છતાં જો આ સંબંધીના મજબૂત કારણો વિદ્વાનો તરફથી રજૂ કરવામાં આવશે અને તેમને સંપૂર્ણ ખાતરી થશે તો તેઓ પોતાની માન્યતા જરૂર બદલશે એમ તેમણે જાહેર કર્યું છે.
આ લેખમાળાને પ્રસિદ્ધિ આપવામાં અમારો માત્ર એકજ હેતુ છે કે, જૈનધર્મમાં આજે અનેક તરેહની વિકૃતિ પ્રવેશી છે તેનો અભ્યાસ કરી જૈનો સન્માર્ગે વળે અને સાથે સાથે પોતાના એક મહાન જ્યોતિર્ધરના જીવનનો પરિચય પામી, તેનાં કાર્યોને જેબ આપે – તેણે દર્શાવેલા સિદ્ધાંતોને અનુસરે, એ જ માત્ર મહેચ્છા !
જ્યેષ્ઠ શુક્લાષ્ટમી : ૧૯૯૫ અમદાવાદ
જીવણલાલ સંઘવી
ઘર્મપ્રાણ : લોંકાશાહ
