________________
૧૦૧
તે પક્ષના સાધુજીઓ અને સાધ્વીજીઓની સંખ્યા ૧૨૫ થી ૧૫૦ની છે અને એક પૂજ્યની આજ્ઞામાં તે બધા વિચરે છે. તે પક્ષ મારવાડમાં ચાલે છે. લીંબડીની પ્રતિષ્ઠા
શ્રીમાન ધર્મદાસજી મહારાજના અનુયાયી સંઘાડાઓ પૈકી જે ગૂજરાત અને કાઠિયાવાડમાં વિદ્યમાન છે તે પૈકી લીબડી સંઘાડો સૌથી મોટો ગણાય છે. સંવત ૧૮૪૫માં ઈચ્છાજીસ્વામીએ આ સંઘાડાની સ્થાપના કરેલી. તે ઈચ્છાજી સ્વામીના ગુરુભાઈ શ્રી ગુલાબચંદજી મ.ના શિષ્ય શ્રી વાલજીભાઈ સ્વામી અને તેમના શિષ્ય શ્રી હીરાજીસ્વામી અને તેમના શિષ્ય શ્રી કાનજી સ્વામી અને તેમના શિષ્ય શ્રી અજરામરજી સ્વામીએ આ સમુદાયને ઘણો પ્રકાશમાં આણ્યો છે.
તેઓ જામનગર તાબાના પડાણા ગામના વિસા ઓસવાળ હતા. તેઓ યોગ, વ્યાકરણ, તર્કશાસ્ત્ર, સાહિત્ય ઈત્યાદિ વિદ્યાઓના અને જૈનસૂત્રોના પ્રગાઢ અભ્યાસી અને અપ્રતિમ વિદ્વાન હતા. તેમની પ્રતિભા ખૂબ તેજસ્વી હતી. તે મહાપુરુષે વિ. સં. ૧૮૧૯ની સાલમાં દીક્ષા લીધેલી અને સં. ૧૮૪૫ માં આચાર્ય પદવી મેળવી. તેમનો દેહાન્ત સં. ૧૮૭૦માં થયો. તેમના વખતમાં તે આચાર્ય એક મહાસમર્થ પંડિત અને પ્રતિભાસંપન્ન ચારિત્રયશીલ તરીકે પોતાનું સાધુજીવન જીવી ગયા છે.
આજસુધી તેમની પ્રતિભાથી સ્થાનકવાસી સમુદાયમાં લીંબડી સંપ્રદાય માનવંતુ સ્થાન ભોગવે છે. તે સમુદાયમાં અત્યારે ત્રીસ સાધુજી અને સાઠ સિત્તેર આર્યાજીઓ ગુજરાત કાઠિયાવાડ અને કચ્છમાં વિચરે છે. શ્રી અજરામરજી મ. થી માંડીને એ સમુદાયમાં ઉચ્ચકોટિના જ્ઞાન-પ્રતિભા અને વ્યવસ્થાનો વારસો અભંગ રીતે આજ સુધી ચાલ્યો આવે છે. હાલમાં પૂજ્યશ્રી ગુલાબચંદજી મહારાજ કે જેઓ બહુશ્રુત અને પંડિત છે તેઓ તે સંપ્રદાયના પૂજ્ય તરીકે બિરાજે છે અને તે સંપ્રદાયની કાર્યવ્યવસ્થાનો ભાર શતાવધાની પંડિત શ્રી, રતચંદ્રજી મહારાજ અને કવિવર્ય પંડિત શ્રી નાનચંદ્રજી મહારાજ વહન કરે છે. ગોંડલ સમુદાય
ગોંડલ સંપ્રદાયમાં નાની અને મોટી એવી બે શાખાઓ છે. મોટા સમુદાયમાં શ્રી જસાજી મહારાજ અને તપસ્વીજી માણેકચંદ્રજી મહારાજનો પરિવાર છે. આ
ધર્મપ્રાણઃ કાશાહ
