Shadshitinama Chaturtha Karmgranth

Author(s): Rasiklal Shantilal Mehta
Publisher: Agamoddharak Pratishthan

Page 7

સંપાદકીય નિવેદન
અનાદિ સંસાર સાગરમાં જીવોના પરિભ્રમણના કારણરૂપ કર્મનું સ્વરૂપ અકળ અને અગમ્ય છે. છતાં સર્વજ્ઞ ભગવંતાએ કેવલજ્ઞાન દ્વારા જોએલા અને વર્ણવેલા તે કર્મોનું વિશદ વર્ણન ગણધર ભગવંતોએ આગમગ્રંથોમાં ગુંચ્યું છે.
આ અગાધ જ્ઞાનના સમુદ્રરૂપ શાસ્ત્રોમાં અલ્પબુદ્ધિ, અલ્પાયુષ્યવાળા જીવો અવગાહી શકે નહીં - જાણી શકે નહી. તે સ્વરૂપને જાણવાની જીજ્ઞાસાવાળા જીવોના ઉપકાર માટે પૂર્વાચાર્યો-પૂર્વમહર્ષિઓએ કર્મ વિષયક અનેક ગ્રંથો બનાવ્યા છે.
તે પૂર્વાચાર્યોમાંના તપસ્વી હીરલા પૂજ્ય આચાર્ય ભગવંત શ્રી જગચંદ્રસૂરીશ્વરજી મહારાજાના શિષ્ય પૂ. આ. ભગવંતશ્રી દેવેન્દ્રસૂરીશ્વરજી મહારાજાએ નવ્ય પાંચ કર્મગ્રંથ બનાવ્યા છે.
જો કે પ્રાચીન કર્મગ્રંથો પણ પૂર્વાચાર્યોના બનાવેલા છે. તે હમણાં ગાથાર્થ સાથે પ્રકાશિત થયેલ છે. તેમજ નવ્ય કર્મગ્રંથો પણ વિવેચન સાથે મહેસાણા જૈન શ્રેયસ્કર મંડળ, પં. ભગવાનદાસભાઈ તરફથી પં. અમૃતલાલ પુરષોત્તમદાસ તરફથી પ્રકાશિત થયેલ છે.
વળી આ નવ્ય કર્મગ્રંથ સવિસ્તૃત વર્ણન સાથે પં. શ્રી ધીરૂભાઈના અને પૂ. સાધ્વી શ્રી રમ્યગુણાશ્રીજી મહારાજના ઉપદેશથી પણ પ્રકાશિત થયેલ છે.
આ કર્મગ્રંથોમાં સપ્તતિકા કર્મગ્રંથ મહેસાણા સંસ્થા સિવાય કોઈનો પ્રકાશિત થયેલ નહી હોવાથી અને તે ગ્રંથમાં ભાંગાની ભિન્ન ભિન્ન સંખ્યા તથા તેના ઉપર સત્તાસ્થાનો અભ્યાસસકવર્ગને સરળતાથી સમજાય તો અધ્યયન કરવામાં સુલભતા રહે, તે ઉદેશથી મેં પ્રથમ સપ્તતિકા કર્મગ્રંથનું સંપાદન કર્યું અને પ્રકાશિત કરવામાં આવ્યો.