________________
Shri Mahavir Jain Aradhana Kendra
www.kobatirth.org
पं० तं०-मणजोगपडिसंलीणया व्यजोगपडिलीणया कायजोगपडिसंलीणया, से किं तं मणजोगपडिलीणया ?, २ अकुसलमणणिरोहो वा कुसलमणउदीरणं वा, से तं मणजोगपडिलीणया, से किं तं वयजोगपडिसंलीणया ?, २ अकुसलव्यणिरोहो वा कुसलवयउदीरणं वा से तं वयजोगपडिसंलीणया, से किं तं कायजोगपडिसंलीणया ?, २ जण्णं सुसमाहिअपाणिपाए कुम्भोइव गुनिंदिए सव्वगायपडिलीणे चिट्ठड़, से तं कायजोगपडिलीणया, से किं तं विवित्तसयणासणसेवणया ?, २ जं णं आरामेसु उज्जाणेसु देवकुलेसु सभासु पवासु पणियगिहेसु पणिअसालासु इत्थीपसुपंडगसंसत्तिविरहियासु वसहीसु फासुएसणिज्जपीठफलगसेज्जासंथारगं उवसंपज्जित्ताणं विहरड़, से तं पडिलीणया, से तं बाहिरए तवे ।१९। से किं तं अभितरए तवे ?, २ छव्विहे पं० तं० - पायच्छित्तं विणओ वेयावच्चं सज्झाओ झाणं विउस्सग्गो, से किं तं पायच्छित्ते ?, २ दसविहे पं० नं० - आलोअणारिहे पडिक्कमणारिहे तदुभयारिहे विवेगारिहे विउस्सग्गारिहे तवारिहे छेदारिहे मूलारिहे अणवट्टप्पारिहे पारंचिआरिहे, से तं पायच्छित्ते से किं तं विणए ?, २ सत्तविहे पं० तं० णाणविणए दंसणविणए चरितविणए मणविणए वइविणए कार्याविणए लोगोवयारविणए, से किं तं णाणविणए ?, २ पंचविहे पं० नं० - आभिणिबोहियणाणविणए सुअ० ओहि० मणपज्जव० केवल०, से किं तं दंसणविणए?, २ दुविहे पं० तं०सुस्सूसणाविणए अणच्चासायणाविणए, से किं तं सुस्सूसणाविणए ?, २ अणेगविहे पं० नं० - अब्भुट्ठाणेइ वा आसणाभिग्गहेइ वा आसणम्पदाणेइ वा सक्कारेइ वा सम्माणेड़ वा किइकम्मेइ वा अंजलिपग्गहेइ वा एतस्स अणुगच्छणया ठिअस्स पज्जुवासणया ॥ औपपातिकमुपांगं ॥ पू. सागरजी म. संशोधित
१८
Acharya Shri Kailassagarsuri Gyanmandir
For Private and Personal Use Only
