Agam 12 Upang 01 Aupapatik Sutra Shwetambar

Author(s): Purnachandrasagar
Publisher: Jainand Pustakalay

Page 76

| खेत्ते अट्ठजोयणाई बाहल्लेणं त्याऽणंतरं च णं मायाए परिहायमाणी २ सव्वेसु चरिमपेरंतेसु मच्छियपत्ताओ तणुयतरा अंगुलस्स असंखेजइभागं बाहल्लेणं पं०, ईसीपब्भाराए णं पुढवीए दुवालसणामधेजा पं० २०- ईसीइ वा ईसीपब्भाराइ वा, तणूइ वा तणूतणू वा सिद्धीइ वा सिद्धालएइ वा मुत्तीइ वा मुत्तालएइ वा लोयम्गेइ वा लोयग्गथूभियाइ वा लोयम्गपडि(बु)ज्झणाइ वा सव्वपाणभूयजीवसत्तसुहावहाइ वा, ईसीपब्भारा णं पुढवी सेया संखतल (आयंसतल पा०) विमलसोल्लियमुणालदगत्यतुसारगोक्खीरहारवण्णा उत्ताणयच्छत्तसंठाणसंठिया सवज्जुणसुवण्णमई अच्छा सण्हा लण्हा घट्टा मट्ठा णीरया णिभ्मला णिपंका णिकंकडच्छाया समीरीचिया सुष्पमा पासादीया दरिसणिज्जा अभिरूवा पडिरूवा, ईसीपब्भाराए णं पुढवीए सीयाए जोयणमि लोगते तस्स जोयणस्स जे से उवरिल्ले गाउए तस्स णं गाउअस्स जे से उवरिल्ले छभागिए तत्थ णं सिद्धा भगवंतो सादीया अपज्जवसिया अणेगजाइजरामरणजोणिवेयणसंसारकलंकलीभावपुणब्भवगब्भवासवसहीपवंचसमइक्वंता सासयमणागयमद्धं चिटुंति । ४३ गाथा कहिं पडिहया सिद्धा?, कहिं सिद्धा पडिट्ठिया । कहिं बोदिं चइत्ताणं, कत्थ गंतूण सिझई? ॥९॥अलोगे पडिहया सिद्धा, लोयग्गे य पडिट्ठिया । इहं बोदिं चइत्ताणं, तत्थ गंतूण सिझइ ॥१०॥जं संठाणं तु इहं भवं चयंतस्स चरिमसमयंमि । आसी य पएसघणं तं संठाणं तहिं तस्स ॥११॥ दीहं वा हस्सं वा जं चरिमभवे हवेज संठाणं । ततो तिभागहीणं सिद्धाणोगाहणा भणिया ॥ १२॥ तिण्णि सया तेत्तीसाधणूतिभागोय होइ बोद्धव्वा एसा खलु सिद्धाणं उक्कोसोगाहणा भणिया ॥१३॥चत्तारियरयणीओ || औपपातिकमुपांग ॥
[पू. सागरजी म. संशोधित