Agam 12 Upang 01 Aupapatik Sutra Shwetambar

Author(s): Purnachandrasagar
Publisher: Jainand Pustakalay

Page 59

कणगावलिंवारयणावलिंवा मुरविंवा कंठमुरविंवा पालंबंवा तिसरयं वा कडिसुत्तंवादसमुद्दिआणंतकं वा कडयाणिवा तुडियाणि वा अंगयाणि वा केराणि वा कुंडलाणि वा मउड वा चूलामणिं वा पिणद्धित्तए णण्णत्थ एकेणं तंबिएणं पवित्तएणं, तेसिंग परिव्वायगाणं णो कप्पड़ गंथिमवेढिमपूरिमसंधातिमे चउविहे मल्ले धारित्तए णण्णत्थ एगेणं कण्णपूरेणं, तेसिंणं परिव्वायगाणं णो कप्पई अगलुएण वाचंदणेण वा कुंकुमेण वा गायं अणुलिंपित्तए णण्णत्थ एक्काए गंगामट्टिआए, तेसिं णं कप्पड़ मागहए पत्थए जलस्स पडिगाहित्तए सेऽविय वहमाणे णो चेवणं अवहमाणे सेऽविय थिमिओदए णो चेवणं कद्दमोदए सेऽविय बहुपसण्णे णो चेव णं अबहुपसण्णे सेडविय परिपूए णो चेव णं अपरिपूए सेऽविय णं दिण्णे नो चेव णं अदिण्णे सेऽविय पिबित्तए णो चेव णं हत्थपायचरुचमसपक्खालणढाए सिणाइत्तए वा, तेसिं णं परिव्वायगाणं कप्पइ मागहए अद्धाढए जलस्स पडिगाहित्तए सेऽविय वहमाणे णोचेवणं अवहमाणे जावणो चेवणं अदिण्णे,सेविय हत्थपायचरुचमसपक्खालणद्वयाए णो चेवणं पिबित्तए सिणाइत्तए वा, ते णं परिव्वाया एयारूवेणं विहारेणं विहरमाणा बहूई वासाई परियायं पाउणंति त्ता कालमासे कालं किच्चा उक्कोसेणं बंभलोए कप्पे देवत्ताए उववत्तारो भवंति तहिं तेसिं गई तहिं तेसिं ठिई दस सागरोवमाई ठिई पं०, सेसंतं चेव १२॥३८तेणं कालेणं अभडस्स परिव्वायगस्स सत्त अंतेवासिसयाई गिम्हकालसमयंसि जेहामूलमासंसि गंगाए महानईए उओकूलेणं कंपिल्लपुराओ णयराओ पुरिमतालं णयरं संपट्ठिया विहाराए, तए णं तेसिं परिव्वायगाणं तीसे अगामियाए छिण्णोवायाए दीहमद्धाए अडवीए कंचि ॥ औपपातिकमुपांग ॥
पू. सागरजी म. संशोधित