Agam 12 Upang 01 Aupapatik Sutra Shwetambar

Author(s): Purnachandrasagar
Publisher: Jainand Pustakalay

Page 46

सेअवरचामराहिं उदधुव्वमाणीहिं २ वेसमणोचेव णरवई अमरवईसण्णिभाए इड्ढीए पहियकित्ती हयगयर ह पवर जोह कलियाए चाउरंगिणीए सेणाए समणुगम्यमाणमग्गे जेणेव पुण्ण भद्दे चेइए तेणेव पहारित्थ गमणाए, तए णं तस्स कूणिअस्स रण्णो भंभसारपुत्तस्स पुरओ महंआसा आसधरा ( वरा पा० ) उभओ पासिं णागा णागधरा पिटुओ रहसंगेली, तए णं से कूणिए राया भंभसारपुत्ते अब्भुग्गयभिंगारे पग्गहियतालियंटे उच्छियसे अच्छत्ते पवीइअवालवीयणीए सव्विड्ढीए सव्वजुत्तीए सव्वबलेणं सव्वसमुदएणं सव्वादरेणं सव्वविभूईए सव्वविभूसाए सव्वसभमेणं सव्वपुप्फगंधवासमल्लालंकारेणं (सव्वसंभमेणं पगईहिं नाय(ड) गेहिं तालायरे हिं सव्वोरोहेहिं सव्वपुष्पवत्थगन्धमल्लालंकारविभूसाए पा० ) सव्वतुडिअसद्दसण्णिणाएणं महया इड्ढीए महया जुत्तीए महया बलेणं महया समुदएणं महया वरतुडिअजमगसमगप्पवाइएणं संखपणवपडह भेरिझल्लरिखर मुहिहुडुक्क मुरवमु अंगदुंदुभिणिग्घोसणाइयरवेणं चंपाए णयरीए मझंमज्झेणं णिग्गच्छइ । ३१ । तए णं कूणि अस्स रण्णो चंपानगरिं मज्झमज्झेणं णिग्गच्छमाणस्स बहवे अत्थत्थिया कामत्थिया भोगत्थिया किब्बिसिआ करोडिआ लाभन्थिया कारवाहिया संखिआ चक्किया णंगलिया मुहमंगलिआ वद्धमाणा पुस्समाणवा खंडियगणा ताहिं इट्ठाहिं कंताहिं पिआहिं मणुण्णाहिं मणामाहिं मणोभिरामाहिं हिययगमणिजाहिं (मणोभिरामाहिं उरालाहिं कल्लाणाहिं सिवाहिं धण्णाहिं मंगल्लाहिं सस्सिरीयाहिं हिययगमणिजाहिं हिययपल्हायणिज्जाहिं मियमदुरगंभीर गाहि गाहिं अट्टसइयाहिं अपुणरुत्ताहिं पा० ) जयविजयमंगलसएहिं अणवरयं अभिनंदंता य अभिथुणंता य एवं व०-जय २ गंदा ! जय २
। औपपातिकमुपांगं ॥
पू. सागरजी म. संशोधित
३५