________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
यावि हुत्था, ते णं परिव्वायगा दाणधम्मच सोअधमंच तित्थाभिसेअंच आघवेमाणा पण्णवेमाणा परूवेमाणा विहरंति, जपणं अम्हे किंचि असुई भवति तण्णं उदएणय मट्टियाए अ पक्खालिअंसुईभवति, एवं खलु अम्हे चोक्खा चोक्खायारा सुई सुइसमायारा भवेत्ता अभिसेअजलपूअप्पाणो अविग्ण सगं गमिस्सामो, तेसिंणं परिव्वायगाणं णो कप्पइ अगडं वा तलायं वा णई वा वाविं वा पुक्खरिणी वा दीहियं वा गुंजालिअंवा सरं वा (प्र० सरसिं वा) सागरं वा ओगाहित्तए, णण्णत्थ अद्धाणगमणे, णो कप्पड़ सगडं वा जाव संदमाणिअंवा दूरुहिताणंगच्छित्तए, तेसिंणं परिव्वायगाणं णो कप्पइ आसंवा हत्यि वा उट्टे वा गोणिं वा महिसं वाखरं वा दुरुहिताणं गमित्तए,तेसिंणं परिव्वायगाणंणो कप्पइ नडपेच्छाइ वा जाव मागहपेच्छाइ वा पिच्छित्तए, तेसिं परिव्वायगाणं णो कप्पइ हरिआणं लेसणया वा घट्टणया वा थंभणया वा (लूसणया वा पा०) उप्पाडणया वा करित्तए, तेसिं परिव्वायगाणं णो कप्पइ इथिकहाइ वा भत्तकहाइ वा देसकहाइ वा रायकहाइ वा चोरकहाइ वा अणत्थदंडं करित्तए, तेसिं णं परिव्वायगाणं णो कप्पइ अयपायाई वा तउअपायाणि वा तंबपायाणि वा जसदपायाणि वा सीसगपायाणि वा रुथ्यपायाणि वा सुवण्णपायाणि वा अण्णयराणि वा बहुमुल्लाणि चारित्तए णण्णत्थ लाउपाएणवा दारुपाएण वा मट्टिआपाएणवा, तेसिं णं परिव्वायगाणं णो कप्पड़ अयबंधणाणिवातउअबंधणाणिवातंबबंधणाणिजाव बहुमुल्लाणिधारित्तए,तेसिंणंपरिव्वायगाणंणोकप्पइणाणाविहवण्णरागरत्ताई वत्थाई थारित्तए णण्णत्थ एक्काए धाउरत्ताए, तेसिंणं परिव्वायगाणं णो कप्पड हारं वा अद्धहारं वा एक्कावलिं वा मुत्तावलिं वा ॥ औपपातिकमुपांग ॥
| ४७
पू.सागरजी म. संशोधित
For Private and Personal Use Only
