Tandul Vaicharik Prakirnakam

Author(s): Vijayjinendrasuri
Publisher: Harshpushpamrut Jain Granthmala

Page 85

4. ]
तन्दुलवैचारिकप्रकोर्णकम्
सुत्तयसुकयसोहे पिणडगेविज्जे अंगुलिजग-ललि. यंगयललियकयाभरणे नाणामणि-कणगरयण-कडगतुडियथंभियभुए अहियख्वे सस्सिरीए कुडलुज्जो. वियाणणे मउडदित्तसिरए हारुत्थयसुकय-रइयवच्छे पालंबपलंबमाण-सुकयपडउत्तरिज्जे मुद्दियापिंगलंगुलिए नाणामणि-कणग-रयण-विमलमहरिह-निउणीविय--मिसिमिसिंत-विरइय-सुसिलिट्ठ-विसिह-ल. आविडवीर-वलए, किं बहुणा ? कप्परक्खए चेव अलंकियविभूसिए सुइपयए भवित्ता अम्मापियरी अभिवादयिजा ।
तए णं तं पुरिसं अम्मापियरो एवं वइज्जा--जीव पुत्ता ! वाससयंति, तंपि याई तस्स नो बहुयं भवइ, कम्हा ?, वाससगं जीवंतो वीसं जुगाइं जीवह, वीसई जुगाई जीवंतो दो अयणसाइ जीवइ, दो अयणसयाई जीवंतो छ उऊसयाई जीवइ, छ उऊसयाई जीवंतो वारस माससयाई जीवह, बारस माससयाई जीवंतो चउवीसं पक्खसयाई जीवइ, चउवीसं पक्खसयाई जीवन्तो छत्तीसं राइंदियसहस्साई जीवइ, छत्तीसराइंदियसहस्साई जीवंतो दस असीयाइ मुहुत्तसयसहस्साई जीवह, दसअसीयाई मुहुत्तसयसहस्साइं जीवंतो चत्तारि उस्सास