Vinshati Vinshika

Author(s): Haribhadrasuri, Kulchandravijay Gani, Dharmrakshitvijay
Publisher: Unkonwn

Page 8

મૂળગ્રન્થના ભાવોને સંક્ષેપમાં સરળભાષામાં ગુર્જર અનુવાદરૂપે રજુ કરવાનો સફળ પ્રયત્ન કર્યો છે. તેઓનો ઉપકાર અધ્યેતાવર્ગ ભૂલી શકશે નહિ. મૂળકારના હૃદય સુધી પહોંચવામાં પ્રસ્તુત પ્રકાશન એક આગવું માધ્યમ બનશે એમાં કોઈ શંકાને સ્થાન નથી. અત્યંત સરળભાષામાં અનુવાદ કરવા દ્વારા વાચકવર્ગ પ્રત્યેની કરુણા; જરૂર પડે ત્યાં આગમગ્રન્થોના નિર્દેશપૂર્વક (૨૦/૧૨). પદાર્થ સ્પષ્ટતા કરવા દ્વારા વિદ્વતા, અતિગહન સ્થળે અલગઅલગ અર્થઘટન કરી “બહુશ્રુતો અહીં પ્રમાણ છે આવું કહેવા દ્વારા પાપભીરુતા વગેરે સદ્ગણોનું સૌદર્ય અનુવાદકારમાં અનાયાસે ખ્યાલમાં આવ્યા વિના રહેતું નથી. મૂળ ગ્રન્થના ગુર્જર ભાવાનુવાદને સંશોધન માટે મોકલવા દ્વારા પૂજય પંન્યાસજી ભગવંતે મને સ્વાધ્યાયની એક અપૂર્વ તક આપી. તે બદલ હું તેઓશ્રીનો ઋણી છું. આશા છે કે આવા અનેક સફળ અનુવાદકાર્યો તેઓશ્રીના વરદહસ્તે શ્રીસંધને પ્રાપ્ત થશે.
વાચકવર્ગની નજરથી દૂર રહેલા એક પ્રસિદ્ધ મૂળ ગ્રન્થને અને તગત પદાર્થોને હજારો નવી આંખો અને કાનો સુધી પહોંચાડવાનું પુણ્યકાર્ય આ પ્રકાશન કરશે જ. આવો આત્મવિશ્વાસ છે. '
તરણતારણહાર શ્રીજિનાજ્ઞાથી વિરુદ્ધ કંઈ પણ લખાયું હોય તો હાર્દિક ક્ષમાયાચના.
લી. ગુરુપાદપઘરેણુ
મુનિ યશોવિજય મહા વદ-૧૧, વિ.સં.૨૦૫૪
પ્રભાસપાટણતીર્થ