________________
બંધહેતુનું વર્ણન
૧૨૭ બંધાય છે તે અવિરતિ આદિ ત્રણના નિમિત્તથી બંધાય. તથા છઠ્ઠાથી દસમા સુધી મિથ્યાત્વ અને અવિરતિ ન હોવા છતાં કષાય અને યોગથી બંધાય છે. અને ૧૧-૧૨-૧૩ આ ગુણઠાણે પણ સાતા બંધાય છે ત્યાં યોગ નિમિત્તક છે તેથી સાતાનો બંધ ચાર નિમિત્તક છે. આ રીતે સાતાનો બંધ ચારે હેતુથી થાય છે.
તથા પહેલા ગુણઠાણાના અંતે બંધવિચ્છેદ થતી ૧૬ પ્રકૃતિનો બંધ એક મિથ્યાત્વના નિમિત્તવાળો છે. જ્યારે આ સોળ પ્રકૃતિનો બંધ થાય છે ત્યારે મિથ્યાત્વ હોય છે. અને મિથ્યાત્વ ન હોય તો આ સોળ પ્રકૃતિનો બંધ થતો નથી માટે મિથ્યાત્વ નિમિત્તક બંધ કહ્યો છે. જોકે સોળ પ્રકૃતિનો બંધ થાય છે ત્યારે અવિરતિ, કષાય અને યોગ એમ શેષ ત્રણ બંધ હેતુ પણ છે પરંતુ મિથ્યાત્વ ન હોય અને ત્રણે હેતુ હોય તો બંધ થતો નથી માટે સોળ પ્રકૃતિનો એક મિથ્યાત્વ જ બંધ હેતુ જાણવો.
તથા બીજા ગુણઠાણાને અંતે બંધવિચ્છેદ થતી ૨૫ પ્રકૃતિ અને ચોથાને અંતે બંધવિચ્છેદ થતી ૧૦ પ્રકૃતિ એમ કુલ પાંત્રીસ પ્રકૃતિનો બંધ મિથ્યાત્વ અને અવિરતિ એમ બે બંધહેતુવાળો છે. કારણકે આ પાંત્રીસ પ્રકૃતિનો બંધ ૧લે ગુણો થાય ત્યારે ત્યાં મિથ્યાત્વ અને અવિરતિના નિમિત્તે થાય અને બીજાથી ચોથા ગુણ૦ સુધીમાં પણ ત્યાં અવિરતિના નિમિત્તવાળો છે. પરંતુ પ્રમત્ત આદિ ગુણઠાણામાં કષાય અને યોગ હોવા છતાં આ પાંત્રીસ પ્રકૃતિનો બંધ નથી તેથી પાંત્રીસ પ્રકૃતિના બંધહેતુ મિથ્યાત્વ અને અવિરતિ એમ બે છે.
ઉપર જણાવેલ ૧+૧૬+૩૫=પર પ્રકૃતિઓ વિના બાકીના ૬૮ પ્રકૃતિ છે. તેમાંથી આહારકદ્ધિક અને જિનનામ વિના ૬૫ પ્રકૃતિનો બંધ યોગ વિના ત્રણ બંધહેતુવાળો છે કારણ કે આ પાંસઠ પ્રકૃતિનો બંધ ૧થી ૧૦ ગુણસ્થાનકમાં છે. ત્યાં પહેલે ગુણઠાણે બંધાય ત્યારે મિથ્યાત્વ આદિ ત્રણ હેતુવાળો, બીજાથી પાંચમાં ગુણઠાણે બંધાય ત્યારે અવિરતિ, કષાય હેતુવાળો અને છઠ્ઠાથી દસમા ગુણમાં પણ કેટલીક પ્રવૃતિઓનો બંધ છે. તેથી કષાય નિમિત્તક બંધ છે. અગ્યારમાથી તેરમાં ગુણ૦ સુધી યોગ બંધહેતુ હોવા છતાં આ પાંસઠ પ્રકૃતિનો બંધ નથી તેથી યોગ
