________________
Shri Mahavir Jain Aradhana Kendra
www.kobatirth.org
णं भंते! एगुरुयदीवे गामाति वा नगराति वा जाव सन्निवेसाति वा ?, णो तिणट्टे समट्टे, जहिच्छितकामगामिणो ते मणुयगणा पं० समणाउसो !, अत्थि णं भंते ! एगूरुयदीवे असीति वा मसीइ वा कसीइ वा पणीति वा वाणिज्जाति वा ?, नो तिणट्टे समट्टे, ववगयअसिमसिकिसिपणियवाणिज्जा णं ते मणुयगणा पं० समणाउसो !, अत्थि णं भंते! एगुरुयद्दीवे हिरण्णेति वा सुवन्नेति वा कंसेति वा दूसेति वा मणीति वा मुत्तिएति वा विपुलधणकणगरयणमणिमोत्तियसंखसिलप्पवालसंतसारसावएजेति वा ?, हंता अत्थि, णो चेव णं तेसिं मणुयाणं तिव्वे ममत्तभावे समुप्पज्जति, अत्थि णं भंते ! एगोरुयदीवे रायाति वा जुवरायाति वा ईसरेति वा तलवरेइ वा माडंबियाति वा कोडुंबियाति वा इब्भाति वा सेट्ठीति वा सेणावतीति वा सत्थवाहाति वा ?, णो तिणट्टे समट्ठे, ववगयइड्ढी सक्कारा णं ते मणुयगणा पं० समणाउसो !, अत्थि णं भंते! एगुरूयदीवे दीवे दासाति वा पेसाइ वा सिस्साति वा भयगाति वा भाइलगाइ वा कम्मगरपुरिसाति वा ?, णो तिणट्टे समट्ठे, ववगतआभियोगिता णं ते मणुयगणा पं० समणाउसो!, अत्थि णं भंते! एगोरूयदीवे दीवे माताति वा पियाति वा भायाति वा भइणीति वा भज्जाति वा पुत्ताति वा धूयाइ वा सुण्हाति वा ?, हंता अत्थि, नो चेव णं तेसिं णं मणुयाणं तिव्वे पेमबंधणे समुष्पज्जति, पयणुपेजबंधणा णं ते मणुयगणा पं० समणाउसो !, अत्थि णं भंते ! एगुरुयदीवे अरीति वा वेरिएति वा घातकाति वा वहकाति वा पडिणीताति वा पच्चमित्ताति वा?, णो तिणट्टे समट्ठे, ववगतवेराणुबंधा णं ते मणुयगणा पं० समणाउसो ! अत्थि णं भंते! एगोरुएदीवे मित्ताति वा वतंसाति वा घडिताति वा ॥ श्री जीवाजीवाभिगम् ॥
पू. सागरजी म. संशोधित
८२
Acharya Shri Kailashsagarsuri Gyanmandir
For Private And Personal
