Agam 14 Upang 03 Jivabhigam Sutra Shwetambar

Author(s): Purnachandrasagar
Publisher: Jainanand Pustakalay

Page 248

Acharya Shri Kailashsagarsuri Gyanmandir
उक्कोससेणवि अन्तोमुहुत्तं. अप्पाबहुगं सागारो० संखे० ॥ २४७ ॥ अहवा दुविहा सव्वजीवा पं० तं० आहारगा चेव अणाहारगा चेव, आहारए णं भंते ! जाव केवचिरं होति ? गो० ! आहारए दुविहे पं० तं० छउमत्थ आहारए य केवलिआहारए य, छउमत्थ आहारए णं जाव केवचिरं होति ?, गो० ! जहण्णेणं खुड्डागं भवग्गहणं दुसमऊणं उक्को० असंखेज्जं कालं जाव कालओ खेत्तओ अंगुलस्स असंखेज्जतिभागं, केवलिआहारए णं जाव केवचिरं होइ ?, गो० ! जह० अंतोमु० उक्को० देसूणा पुव्वकोडी, अणाहारए णं भंते! केवचिरं०?, गो० ! अणाहारए दुविहे पं० नं० - छउमत्थअणाहारए य केवलिअणाहारए य, छउमत्थअणाहारए गं जाव केवचिरं होति ?, गो० ! जहण्णेणं एक्कं समयं उक्कोसेणं दो समया, केवलिअणाहारए दुविहे पं० तं० सिद्ध केवलिअणाहारए य भवत्थकेवलिअणाहारए य, सिद्ध केवलिअणाहारए णं भंते! कालओ केवचिरं होति ?, सातिए अपज्जवसिए, भवत्थके वलिअणाहारए णं भंते! कइविहे पं०?, भव० दुविहे पं० तं० - सजोगिभवत्थकेवलिअणाहारए य अजोगिभवत्थकेवलिअणाहारए य सजोगिभवत्थकेवलिअणाहारए णं भंते! कालओ केवचिरं०?, अजहण्णमणुक्कोसेणं तिण्णि समया, अजोगिभवत्थकेवलि० जह० अंतो० उक्को० अंतोमुहुत्तं, छउमत्थ आहारगस्स केवतियं कालं अंतरं० ?, गो० ! जहण्णेणं एक्कं समयं उक्को० दो समया, केवलिआहारगस्स अंतरं अजहण्णमणुक्कोसेणं तिण्णि समया, छउमत्थअणाहारगस्स अंतरं०?, जह० खुड्डागभवग्गहणं दुसमऊणं उक्को० असंखेजं कालं जाव अंगुलस्स असंखेज्जतिभागं, सिद्धकेवलिअणाहारगस्स सातीयस्स अपज्जवसियस्स णत्थि अंतरं ॥ श्री जीवाजीवाभिगम् ॥
पू. सागरजी म. संशोधित
२३८
For Private And Personal