Maran Samadhi Ek Adhyayan

Author(s): Aruna Mukund Lattha
Publisher: Mahavir Jain Vidyalay

Page 4

પ્રકાશકીય
શ્રી મહાવીર જૈન વિદ્યાલયે, યુગપુરુષ આચાર્ય ભગવંત પ.પૂ.શ્રી વિજયવલ્લભસૂરિશ્વરજી મહારાજ સાહેબે ચીંધેલા માર્ગ પર ચાલવાના પ્રયાસ રૂપે જૈન ધર્મ પરના સંશોધન-અધ્યયન-અભ્યાસને પણ ખૂબ જ મહત્ત્વ આપ્યું છે જૈન ધર્મ વિષે અભ્યાસ-સંશોધન કરતાં ભાઈબહેનોને પ્રોત્સાહિત કરવા જૈન ધર્મના જ્ઞાનના વિસ્તરણને વરેલી આ સંસ્થાએ ડો.અરુણાબેન મુકુંદકુમાર લઠ્ઠાએ તૈયાર કરેલ એક અધ્યયન ગ્રંથ “મરણસમાધિ પ્રકીર્ણક” ને પ્રકાશિત કરતા હર્ષ અનુભવે છે. ડો.અરુણાબેન મુકુંદકુમાર લઠ્ઠાએ તૈયાર કરેલ મહાનિબંધ “મરણસમાધિ-પ્રકીર્ણક” ને ગુજરાત યુનિવર્સિટીએ માન્યતા આપતાં પીએચ.ડી.ની ડિગ્રી એનાયત કરી છે જે આપણા સૌ માટે ખૂબ જ ગૌરવની વાત છે.'
પરમપ્રભુ મહાવીરના આગમોનો અને ખાસ કરીને “મરણસમાધિપ્રકીર્ણક” નું સરળ અધ્યયન-અભ્યાસ એ આ પુસ્તકની રચનાનું મહત્ત્વનું અંગ છે. આ ગ્રંથ સંશોધનાત્મક અને અનુવાદાત્મક એમ બન્ને દૃષ્ટિએ ઉત્તમ છે. તેમજ તેનું અધ્યયન વ્યક્તિને જીવનના અંતિમ સમયે પણ સ્વસ્થ રાખે છે અને સમજાવે છે કે અંતિમ સમયની સમાધિ અને સ્વસ્થતા મરણને વિશુધ્ધ બનાવે છે. અંત સમયની આરાધનાનું વર્ણન કરતાં આ પ્રકીર્ણકમાં આત્મકલ્યાણની ભરપૂર સામગ્રી છે. મૃત્યુની વાત સામાન્ય માણસને ડરાવી મૂકે છે પરંતુ જૈન ધર્મમાં અનશન, સંથારો, સંલેખના, સમાધિમરણ અને એ માટેની પૂર્વ તૈયારીની જે વિચારણા કરી છે તે દુનિયામાં અજોડ છે.
જૈન ધર્મ પ્રમાણે ઉત્તમ રીતે જીવન જીવવું એ જ પૂરતું નથી. પરંતુ જીવનના અંતિમ સમયે સમાધિપૂર્વક મૃત્યુને વરવું એ પણ એટલું જ આવશ્યક છે. સમાધિ વગરનું મૃત્યુ એ અનંતવાર જન્મ-મરણનું કારણ બને છે. આ છે આ મહાનિબંધનો આપણને સંદેશ-સરળ-સમજાઈ શકે તેવી ભાષામાં. શ્રી મહાવીર જૈન વિદ્યાલય તેની આગવી પરંપરા પ્રમાણે જૈન ધર્મના
III