________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
वाखत्तियकुलाणि 'इक्खागकुलाणिवा हरिवंसकुलाणिवा एसियकुलाणिवा वेसियकुलाणिवा गंडागकुलाणिवा कोहागकुलाणि वा गामरक्खकुलाणि वा बुक्कासकुलाणि (प्र० पोक्कासाईयकुलाणि) वा अनयरेसु वा तहप्पगारेसु कुलेसु अदुगुंछिएसु अगरहिएसु असणं वा ४ फासुयं जाव पडिग्गाहिज्जा । २३४१ से भिक्खू वा जाव समाणे से जं पुण जाणिजा असणं वा ४ समवाएसु वा पिंडनियरेसु वा खंदमहेसु वा एवं रुद्दमहेसु वा मुगुंदमहेसु वा भूयमहेसु वा जक्खमहेसु वा नागमहेसु वा थूभमहेसु वा चेइयमहेसु वा रुक्खमहेसु वा गिरिमहेसु वा दरिमहेसु वा अगडमहेसु वा तलागमहेसु वा दहमहेसु वा नईमहेसु वा सरमहेसु वा सागरमहेसु वा आगरमहेसुवा अनयरसुवा तहप्पगारेसु विरुवरूवेसु महामहेसु वट्टमाणेसु बहवे समणमाहणअतिहिकिवणवणीमगे एगाओ उक्खाओ परिएसिजमाणे पेहाए दोहिं जाव संनिहिसंनिचयाओ वा परिएसिजमाणे पेहाए तहप्पगारं असणं वा ४ अपुरिसंतरकडं जाव नो पडिग्गाहिज्जा, अह पुण एवं जाणिज्जा दिनं जं तेसिं दायव्वं, अह तत्थ भुंजमाणे पेहाए गाहावइभारियं वा गाहावइभगिणिं वा गाहावइपुत्तं वा धूयं वा सुण्हं वा थाई वा दासं वादासिंवा कम्मर वा कम्मकरि वा से पुवामेव आलोइज्जा आउसित्ति वा भगिणित्ति वा दाहिसि मे इत्तो अन्त्य भोयणजायं, से सेवं वयंतस्स परो असणं वा ४ आहढ दलइज्जा तहप्पगारं असणं वा ४ सयं वा पुण जाइज्जा परो वा से दिजा फासुयं जाव पडिग्गाहिज्जा । २३५। से भिक्खू वा० परं अद्धजोयणमेराए संखडि न अभिसंधारिजा गमणाए, से भिक्खू वा २ पाईणं संखडिं नच्चा पडीणं गच्छे अणादायमाणे, पडीणं, संखडिं नच्चा पाईणं गच्छे | ॥श्रीआचाराङ्ग सूत्र।
| पू. सागरजी म. संशोधित ||
For Private And Personal Use Only
