________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| अभिसंधारिजा गमणाए । २४० । से भिक्खू वा २ जाव समाणे से जं पुण जाणिजा असणं वा ४, एसणिजे सिया अणेसणिज्जे सिया वितिगिंछसमावन्नेण अप्पाणेण असमाहडाए लेसाए तहम्पगारं असणं वा ४ लाभे संते नो पडिगाहिज्जा । २४१ । से भिक्खू गाहावइकुलं पविसिउकामे सव्वं भंडगमायाए गाहावइकुलं पिंडवायपडियाए पविसिज्ज वा निक्खमिज्ज वा, से भिक्खू वा २ बहिया विहारभूमिं वा वियारभूमिं वा निक्खममाणे वा पविसमाणे वा सव्वं भंडगमायाए बहिया विहार भूमिं वा वियारभूमिं वा निक्खभिज्ज वा पविसिज्ज वा, से भिक्खु वा २ गामाशुगामं टूइजमाणे सव्वं भंडगमायाए गामाणुगामं दुइज्जिज्जा । २४२ । से भिक्खू अह पुण एवं जाणिज्जा तिव्वदेसियं वासं वासेमाणं पेहाए तिव्वदेसियं महिय संनिचयमाणं पेहाए महवाएण वा रयं समुद्घयंपेहाए तिरिच्छसंपाइमा वा तसा पाणा संथडा संनिचयमाणा पेहाए, से एवं नच्चा नो सव्वं भंडगमायाए गाहा वडकुलं पिंडवायपडियाए पविसिज्ज वा निक्खभिज्ज वा | बहिया विहारभूमिं वा वियार भूमिं वा निक्खभिज्ज वा पविसिज्ज वा गामाणुगागं दूइज्जिज्जा । २४३ । से भिक्खू वा २ से जाई पुण कुलाई जाणिज्जा तंजहा खत्तियाण वा राइण वा कुराईण वा रायपेसियाण वा रायवंसट्टियाण वा अंतो वा बाहिं वा गच्छंताण वा संनिविद्वाण वा निमंतेमाणाण वा अनिमंतेमाणाण वा असणं वा ४ लाभे संते नो पडिगाहिज्जा । २४४ ॥ अ० १३० ३ ॥
सेभिक्खू वा० जाव समाणे से जं पुण जाणेज्जा मंसाइयं वा मच्छाइयं वा मंसखलं वा मच्छखलं वा आहेणं वा पहेणं वा हिंगोलं वा संमेलं वा हीरमाणं पेहाए अंतरा से मग्गा बहुपाणा बहुबीया बहुहरिया बहुओसा बहुउदया बहुउतिंगपणगदगमट्टीयमक्कडा
॥ श्रीआचाराङ्ग सूत्रं ॥
५४
पू. सागरजी म. संशोधित
For Private And Personal Use Only
