________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
से भिक्खू वा० अप्पंडं लहुयं अपाडिहारियं तह० नो ५० ३ ॥ से भिक्खू वा अप्पंडं जाव अप्पसंताणगं लहुअं पाडिहारियं नो अहाबद्धं । तहष्यगारं लाभे संते नो पडिगाहिजा ४ ॥ से भिक्खु वा २ से जं पुण संथारगं जाणिजा अप्पंडं जाव संताणगं लहुअं पाडिहारिअं अहाबद्ध तहम्पगारं संथारगं लाभे संते पडिगाहिज्जा ५ । ३२२ । इच्चेयाई आयतणाई उवाइकम्म अह भिक्खू जाणिज्जा इमाई चउहिं पडिमाहिं संथारंग एसित्तए, तत्थ खलु इमा पढमा पडिमा से भिक्खू वा २ उद्दिसिय २ संथारंग जाइज्जा, तंजहा इक्कडं वा कढिणं वा जंतुयं वा परगं वा मोरगं वा तणगं वा सोरगं वा कुसं वा कुच्चगं वा पिप्पलगं वा पलालगं वा, से पुव्वामेव आलोइज्जा आउसोति वा भ० दाहिसि मे इत्तो अन्नयरं संथारगं ?, तह० संथारगं सयं वा णं जाइज्जा परो वा देजा फासुयं एसणिज्जं जाव पडि०, पढमा पडिमा ।। ३२३ । अहावरा दुच्चा पडिमा से भिक्खू वा० पेहाए संथारगं जाइज्जा, तंजहा गाहावई वा कम्मकरिं वा से पुव्वामेव आलोइज्जा | आउ० ! भइ० ! दाहिसि मे०? जाव पडिगाहिज्जा, दुच्चा पडिमा २ ॥ अहावरा तच्चा पडिमा से भिक्खू वा० जस्सुवस्सए संवसिज्जा जे तत्थ अहासमन्नागए, तंजहा इक्कडेड़ वा जाव पलाइ वा तस्स लाभे संवसिज्जा तस्सालाभे उक्कुड्डुए वा नेसज्जिए वा विहरिज्जा, तच्चा पडिमा २ । ३२४ । अहावरा चउत्था पडिमा से भिक्खु वा अहासंथडमेव संथारगं जाइज्जा, तंजहा पुढविसिलं वा कट्टसिलं वा अहासंथडमेव, तस्स लाभे संते संवसेज्जा तस्स अलाभे उक्कडुए वा० विहरिजा, चउत्था पडिमा ४ । ३२५ । इच्चेयाणं चउण्हं पडिमाणं अन्नयरं पडिमं पडिवजमाणे तं चेव जाव अन्नोऽन्नसमाहीए एवं च णं विहरति । ३२६ । से भिक्खू वा० अभिकंखिज्जा संथारगं
॥ श्रीआचाराङ्ग सूत्रं ॥
८०
पू. सागरजी म. संशोधित
For Private And Personal Use Only
