________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पच्छासंथुयाणि वा पुवामेव भिक्खायरियाए अणुपविसिस्सामि, अविय इत्थलभिस्सामि पिंडं वा लोयं वा खीरं वा दहिं वा नवणीयं वा घयं वा गुलं वा तिलं वा महुं वा मजं वा मंसं वा सकुलिं वा फाणियं वा पूयं वा सिहिरिणि वा, तं पुवामेव भुच्चा पिच्चा पडिग्गहं| संलिहिय संमजियतओ पच्छा भिक्खहिं सद्धिं गाहा० पविसिस्सामि वा निक्खमिस्सामि वा माइहाणं संफासे,तं नो एवं करिज्जा,से तत्थ भिक्खूहिं सद्धिं कालेणं अणुपविसित्ता तत्थियरेयरेहिं कुलेहिं सामुदाणियं एसियं वेसियं पिंडवायं पडिगाहित्ता आहारं आहारिजा, एयं खलु तस्स भिक्खुस्स वा० सामग्गियं । २४७। अ० १ ३० ४ ॥
से भिक्खू वा २ जाव पविढे समाणे से जं पुण जाणिजा अग्गपिंड उक्खिथ्यमाणं पेहाए अग्गपिंडं निक्खिय्यमाणं पेहाए अग्गपिंडं हीरमाणं पेहाए अग्गपिंडं परिभाईजमाणं पेहाए अग्गपिंडं परिभुंजमाणं पेहाए अग्गपिंडं परिदृविजमाणं पेहाए पुरा असिणाइ वा अवहाराइ वा पुरा जत्थऽण्णे समण वणीमगा खद्धं २ उवसंकमंति से हंता अहमवि खद्धं २ उवसंकमामि, माइट्ठाणं संफासे, ने एवं करेजा । २४८१ से भिक्खू वा० जाव समाणे अंतरा से वप्पाणि वा फलिहाणि वा पागाराणि वा तोरणाणि वा अगलाणि वा अगलपासगाणि वा सति परक्कमे संजयामेव परिकमिज्जा, नो उज्जुयं गच्छिज्जा, केवली बूया आयाणभेयं, से तत्थ परक्कममाणे पयलिन वा पक्खलेज वा पवडिज वा से तत्थ पयलमाणे वा पक्खलेजमाणे वा पवडमाणे वा तत्थ से काए उच्चारेण वा पासवणेण वा खेलेण वा सिंधाणेण वा वंतेण वा पित्तेण वा पुरण वा सुक्केण वा सोणिएण वा उवलित्ते सिया, तहप्पगारं कायं नो ॥श्रीआचाराङ्ग सूत्र
| पू. सागरजी म. संशोधित
For Private And Personal Use Only
