Padhamvaggo

Author(s): Nemivigyan Kastursuri Gyanmandir
Publisher: Nemivigyan Kastursuri Gyanmandir

Page 212

Acharya Shri Kailashsagarsuri Gyanmandir
पासवकयासहजिणथुई। तरं पदक्खिणेइ, अह विह 'नमो तित्थस्स' ति वयंतो पुचदिसाभिमुहो रायसो पंकयं पिव सीहासणं उवविसेइ । वतरदेवा अण्णासु वि तीसं दिसासु परमेडिणो रयणसीहासणत्थिआइं पडिरूबाई विउव्विति । तओ साहु-साहुणी-वेमाणियदेवीओ पुव्वदुवारेण पविसिऊण जिणं पयाहिणिऊण य भत्तीए जिणीसरं तित्थं च नमेइरे, तत्थ पढमपायाम्मि पुचदाहिणदिसाए धम्मुज्जाणमहातरुणो सव्वसाहवो अच्छेइ रे । ताणं च पिट्ठओ उड्ढत्थिा वेमाणियदेवीओ चिहेइरे, तासिं च पिट्ठओ तहच्चिय साहुणीओ चिट्ठन्ति । भवणवइ-जोइसिय-वंतराणं देवीओ दाहिणवारेण पविसित्ता पुवमिव कमेण नेरईदिसाए चिट्टेइरे, तह भवणेस-जोइसिय-वंतरदेवा पच्छिमदारेण पविसिऊण पुनविहिणा जिणं तित्थं च नमंसिऊण वायव्वदिसाइ कमेण उपविसंति, तइया तत्थ वासवो समोसरियं नाहं विण्णाय विमाणबुंदेहि गयणं ढक्कतो सिग्धं समागच्छेइ, समागच्छिऊण उत्तरदारेण पविसित्ता सामिणो पयाहिणतिगं काऊण नच्चा य भत्तिमंतो सक्को एवं थुणेइ---- उसहजिणस्स थुई।
"हे भय ! जोगिपुंगवेहिं सव्वप्पणा वि तुम्ह गुणा जाणिउं असक्कणिज्जा, थुणिउ जोग्गा तुव गुणा कत्थ ? निच्चपमायपरो थुणिरो अहं कत्थ ? तह वि नाह ! तुम्हकेरगुणे थुणिस्सं, दीहपहम्मि वच्चंतो खेजो हि किं केणावि निवारिज्जइ ? ।
हे पहु ! भवदुहाऽऽयव-किलेसविवसाणं देहीणं छत्तच्छाहीभूयपायच्छाय ! अम्हे ता रक्खादि । नाह ! सयं तुं यत्थो वि केवलं लोगस्स परुवयारठं बिहरसि, किं दिवागरो अप्पणो कए पयासेइ ?, मज्झण्हकालाऽऽइच्चो विव पहु ! तुमम्मि तवंतम्मि देहीणं देहच्छाया विव सवओ कम्मं संकुचेइ । जे उ तुम सव्वया पासंति ते हि तिरिअंचा वि धण्णा, भवंतदंसणरहिया सग्गनिवासिणो वि देवा न धण्णा । तिजगवइ ! जाणं हिययचेइएमुं तुमं एगो अहिदेवया सि, ते भविभा पक्किठेहितो पक्किट्ठा संति । हे नाह ! अच्चणिज्जपायाणं भगवंताणं समीवंमि एगं पत्थणं कुणेमि---गामाओ गामं पुराओ पुरं विहरंतो वि तुमं कयाई मज्म दियय मा चयाहि" ति पहुं थुणिऊण सक्को पंचंगफरिसियभूमियलो पणमिऊण पुव्वुत्तरदिसाए अच्छेइ । तह य पहुणो समायारदाणत्थं तत्थ ठविआ अट्ठावयगिरिरक्खगा पुरिसा चक्कवहिस्स 'सामी एत्य समोसरिओ' ति कर्हिति ।
१ अग्निकोणके । २ भासते-उपविशन्ति । ३ नैऋतीदिशि । " स्तोता । ५ पछगुः । ६ छत्र रछायीभूतपादच्छाय ।।
For Private And Personal