Tiloy Pannatti

Author(s): A N Upadhye
Publisher: Jaina Siddhanta Bhavana

Page 74

तिलोयपएणत्तो
सम्मत्तं देसजमं लहिदूणं विसयहेदुणा चलिदो । णिरयादिसु अइदुक्खं पाविय पविसइ णिगोदम्मि ॥३५८॥ सम्मत्तं सयलजमं लहिदूणं विसयहेदुणा चलिदो । णिरयादिसु अइदुक्खं पाविय पविसइ णिगोदम्मि ॥३५९।। सम्मत्तरहिदचित्तो जोइसमंतादिएहि वट्टतो। णिरयादिसु बहुदुक्खं पाविय पविसइ णिगोदम्मि ॥३६०॥
। दुक्खसरूव समत्ता । घम्मादी खिदितिदए णारइया मिच्छभावसंजुत्ता । जाईभरणेण केइ केई दुव्वारवेदणाभिहदा ॥३६॥ केई देवाहितो धम्मणिबद्धा कहावसोदूणं । गिणहंते सम्मत्तं अणंतभवचूरणणिमित्तं ॥३६२॥ पंकमहापहुदीणं णारड्या तिदसबोहणेण विणा । सुमरिदजाईदुक्खप्पहदा गेण्हंति सम्मत्तं ॥३६३॥
। दसणमग्गदं गदं ।। मज्जं पिवंता पिसिदं लसंता जीवे हणंते मिगलाण तप्ता । णिमेसमोहेण सुहेण पावं पावंति दुक्खं णिरए अणंतं ॥३६४॥ लोहकोहभयमोहबलेणं जे वदंति वयणं पि असच्चं । ते णिरंतरभयेउरुदुषखे दारुणम्मि हिरयम्मि पडते ॥३६५॥ छेत्तूण भित्तिं वधिदूण पियं' पट्टादि घेत्तूण धणं हरता। अगणेहि अण्णा असहेइ मूढा भुंजंति दुक्खं निरयम्मि घोरे ॥३६६।। लज्जाए चत्ता मयणेण मत्ता तारुण्णरत्ता परदारसत्ता । रत्तीदिणं मेहुणमाचरंता पावंति दुक्खं णिरएसु घोरं ॥३६७॥ पुरे कलत्ते सजणम्मि मित्ते जे जीवणत्थं परवंचणेणं । वड्डांति तिण्हा दविणं हरते ते तिव्वदुक्खे णिरयम्मि जंति ॥३६८॥ संसारण्णवमहणं तिहुवणभव्वाणपेम्मसुहजणणं
संदरिसियसयलटुं संभवदेवं णभामि तिविहेण ॥३६९॥ एवमाइरियपरंपरागयतिलोयपएणत्तिए णारयलोयसरूवणिरूवण
पएणत्तिणाम बिदुउ महाहियारो सम्मचो॥
I, AB पिपं ।