Tiloy Pannatti

Author(s): A N Upadhye
Publisher: Jaina Siddhanta Bhavana

Page 117

११४
तिलोयपण्णत्ती
दीवजगदीयपासे णइविल' वदणम्मि तोरणं दिव्वं । विविहवररयणखजिदं खंभट्टियसालभंजियाणिवहं ॥२४॥ थंभाणं उच्छेहो तेणउदीजोयाण तियकोसा । पदाण अंतरालं बासट्ठी जोयणा दुरेकोसो ॥२४८॥
९३। को ३ । ६३ । को २। छत्तत्तयादिसहिदा जिणिदपाडमा य तोरणुवरिम्मि । चेट्ठांति सासभाओ सुमरणमेत्तेण दुरिदहणा ॥२४९॥ वरतोरणस्स उवरि पासादा होंति रयणकणयमया । चउतोरणवेदिजुदा वजकवाडुजलदुवारा ॥२५॥ एदेसु मंदिरेसुं देवीओ दिक्कुमारिणामाश्रो। णाणाविहपरिवारा वेतरियाओ विरायंति ॥२५१॥ पउमदहादो पच्छिमदारेणं णिस्सरेदि सिंधुणदी। तद्वाणवासरादो तोरणपहुदी सुरणदिसरिच्छा ॥२५२॥ गंतूण थोवभूमी सिंधुमज्झम्मि होदि वरकूडो । वियसियकमलायारो रम्मो वेरुलियणालजुदो ॥२५३॥ तस्स तला अइरित्ता दोहजुदा होति कोसदलमेत्त । उच्छेहा सलिलादो उवरि पएसम्मि इगिकोसा ॥२५४।। बे कोसा वित्थिगणो तेत्तिय मेत्तोदएण संपुण्णो । वियसंतपउमकुसुमोवमाणसंठाणसोहिल्लो ॥२५५॥ इगि कोसं बे रुंदा रयणमइकरिणयायधीरम्मा। तीए उवरि विचिस्तो पासादो होदि रमणिजो ॥२५६॥ वररयणकंचणमओ फुरंतकिरणो पणासिअंतमो । सो उत्तुंगतोरणदुवारसुंदरसुटुसोहिल्लो ॥२५७॥ तस्सि णिलए णिवसइ श्रवणा णामेण वेतरा देवी । एकपलिदोवमाऊ णिरुवमलावण्णपरिपुण्णा ॥२५८॥ पउमदहादो पणुसयमेत्ताई जोयणाईगंतूणं । सिंधूकूडमपत्तो दुकोसमेत्तेण दक्खिणावलिदो ॥२५९॥ उभयतडवेदिसहिदा उववणसंडेहिं सुट्ट, सोहिल्ला ।
गंग व्व पडइसिंधू जिभादो सिंधुकूडउवरिमि ॥२६०॥ I ABS णइविद, 2 ABS पुरेकोसा; 3 AB तत्तिय ।
-