Kalyanak Mahima

Author(s): Ratnabodhivijay
Publisher: Ramjibhai Veljibhai Gala

Page 9

(૨) ચૌદમા ગુણઠાણે પ્રભુ સકલ કર્મોનો ક્ષય કરી મોક્ષે જાય છે. (૩) દેવો નિર્વાણકલ્યાણકનો ઉત્સવ કરે છે.
(૪) દેવો ચિતા બનાવી પ્રભુના શરીરનો અગ્નિસંસ્કાર કરે છે.
(૫) પ્રભુના દાઢ અને અસ્થિ દેવલોકમાં લઈ જઈ દેવો તેમને પૂજે છે.
પાંચ કલ્યાણકો વખતે ઘટતી વિશિષ્ટ ઘટનાઓના નિરૂપણ ઉપરાંત, આ ભરતક્ષેત્રની આ અવસર્પિણીની વર્તમાન ચોવીસીના ચોવીસ તીર્થંકરપ્રભુના પાંચ કલ્યાણકોની તિથિઓ અને ભૂમિઓ પણ આ પુસ્તકમાં બતાવી છે, પાંચ મહાવિદેહક્ષેત્રોમાં વિચરતાં વીસ વિહરમાન તીર્થંકરપ્રભુના પાંચ કલ્યાણકોની તિથિઓ પણ આ પુસ્તકમાં બતાવી છે.
તદુપરાંત નીચેના વિષયોનું નિરૂપણ પણ આ પુસ્તકમાં કર્યું છે –
(૧) પાંચ કલ્યાણકોના સૂચનો.
(૨) પાંચ કલ્યાણકોની આરાધનાથી થતાં લાભો.
(૩) કલ્યાણકભૂમિની આરાધના.
(૪) કલ્યાણકતિથિની આરાધના.
(૫) પાંચ કલ્યાણકોની સંક્ષિપ્ત અને વિસ્તૃત ઉજવણી.
આ પુસ્તકને અંતે છ પરિશિષ્ટો પણ મૂક્યા છે.
તેમાં નીચેના વિષયો લીધા છે
=
(૧) પ્રભુના વર્ષીદાનના છ અતિશયો.
(૨) પ્રભુની વાણીના ૩૫ ગુણો. (૩) પ્રભુના ૩૪ અતિશયો.
(૪) પ્રભુનું રૂપ.
(૫) પ્રભુનું બળ.
(૬) પ્રભુમાં ન રહેલા ૧૮ દોષો.
આમ આ એક જ પુસ્તકમાં તીર્થંકરપ્રભુના કલ્યાણકો સંબંધી લગભગ બધી જાણકારી આપેલ છે. આ પુસ્તકના વાંચનથી તીર્થંકરપ્રભુ પ્રત્યે આપણા હૃદયમાં અહોભાવ પ્રગટે છે અને વધે છે.
8