________________
(૩) ઈન્દ્રો દેવો પાસે ક્ષીરસમુદ્રનું પાણી મંગાવે છે. તેનાથી તેઓ પ્રભુના
શરીરને નવડાવે છે. ત્યારપછી તેઓ ગંધકાષાયી વસ્ત્રથી પ્રભુનું શરીર લૂછે છે.
ત્યારપછી તેઓ પ્રભુના શરીર પર ગોશીષચંદનથી વિલેપન કરે છે. (૬) ત્યારપછી તેઓ પ્રભુના શરીર પર હંસના ચિત્રવાળું દેવદૂષ્ય પહેરાવે છે.
ત્યારપછી તેઓ પ્રભુના શરીરને દિવ્ય અલંકારોથી સુશોભિત કરે છે. અન્ય દેવો તે જ રીતે ગણધરો અને મુનિઓના શરીરના સ્નાનવિલેપન કરીને વસ્ત્રો-અલંકારોથી તેમને વિભૂષિત કરે છે. ઈન્દ્રની આજ્ઞાથી કુબેર નૈઋત્યખૂણામાં હજાર પુરુષો ઉપાડી શકે તેવી ત્રણ શિબિકા બનાવે છે. ઈન્દ્ર પ્રભુના શરીરને શિબિકામાં સ્થાપિત કરે છે. અન્ય દેવો ગણધરો
અને મુનિઓના શરીરોને શિબિકામાં સ્થાપિત કરે છે. (૧૧) ઈન્દ્રો અને દેવો શિબિકાઓને ઊંચકીને ચિતા તરફ લઈ જાય છે. (૧૨) ત્યારે દેવીઓ હાથતાળીઓ પાડીને રાસડા લે છે. (૧૩) દેવો સંગીત વગાડે છે. (૧૪) આગળ દેવો ધૂપની ઘડીઓ લઈને ચાલે છે. (૧૫) કેટલાક લોકો શિબિકાની ઉપર પુષ્પમાળાઓ ચડાવે છે. (૧૬) કેટલાક લોકો શિબિકા ઉપર ચડાવેલી પુષ્પમાળાઓ શેષરૂપે ગ્રહણ
કરે છે. (૧૭) કેટલાક લોકો દેવદૂષ્યના તોરણો બંધાવે છે. (૧૮) કેટલાક લોકો લીપણ કરે છે. (૧૯) કેટલાક લોકો યકર્દમનો છંટકાવ કરે છે. યક્ષકદમ એટલે કેસર,
અગર, કસ્તૂરી, કપૂર, ચંદન – આ પાંચ વસ્તુઓને સમભાગે મિશ્ર
કરીને બનાવેલ ચૂર્ણ. (૨૦) કેટલાક લોકો પૃથ્વી પર આળોટે છે. (ર૧) કેટલાક લોકો દોડે છે. (૨૨) કેટલાક લોકો “નાથ ! નાથ !” એમ બોલે છે.
...૪૭...
