________________
(૨૩) તેના કરતા ચૌદપૂર્વધર મુનિભગવંતે બનાવેલ આહારકશરીરનું રૂપ
અધિક હોય છે. (૨૪) તેના કરતા ગણધરનું રૂપ અધિક હોય છે. (૨૫) તેના કરતા તીર્થંકરપ્રભુનું રૂપ અનંતગુણ અધિક હોય છે.
કરોડો દેવો ભેગા મળીને પ્રભુના અંગૂઠા જેવો એક અંગૂઠો બનાવે અને તેને પ્રભુના અંગૂઠાની બાજુમાં રાખે તો તે બનાવેલો અંગૂઠો પ્રભુના અંગૂઠાની સામે બળેલા કોલસા જેવો લાગે. એટલે કે કરોડો દેવો ભેગા મળીને પ્રભુના શરીરના એક અંગૂઠા જેવું રૂપ પણ બનાવી શકતા નથી, પ્રભુ જેવું સંપૂર્ણ રૂપ બનાવવાની વાત તો દૂર રહી.
આમ પ્રભુનું રૂપ અદ્વિતીય હોય છે, સર્વશ્રેષ્ઠ હોય છે, દુનિયામાં બીજે ક્યાંય ન હોય એવું હોય છે.
*
*
*
*
*
હે પરમેશ્વર ! મોહરૂપી દુર્દિન ફેલાયો છે. ક્ષણે ક્ષણે નવી નવી આશારૂપી ભરતીઓ પેદા થાય છે. કામરૂપી જળચરપ્રાણી હેરાન કરે છે. પાપી વિષયો રૂપી ખરાબ પવનો વાય છે. ક્રોધ વગેરે કષાયો રૂપી ભયંકર મોટા આવર્તી થાય છે. રાગ-દ્વેષ વગેરે રૂપી કાંટાળી વનસ્પતિઓ પીડે છે. વિવિધ દુઃખોની પરંપરાઓ રૂપી મોટા મોજાઓ ઊછળે છે. આર્તધ્યાન-રોદ્રધ્યાનરૂપી વડવાનલ દઝાડે છે. મમતા રૂપી નેતરની વેલ ખલિત કરે છે. અનેક રોગો રૂપી મગરોના સમૂહો પીછો પકડે છે. આવા અપાર અને ભયંકર સંસારસમુદ્રમાં પડેલા જીવોને પ્રભુ આપ શીઘ તારો.
હે અંતરંગારિભંજક! આપના ચરણના સ્પર્શથી પવિત્ર થયેલી ભૂમિ પણ પાપોનો નાશ કરે છે, તો આપના દર્શનની તો શું વાત કરવી !
...૬૬...
