________________
(૮) વજ : ઘૂઘરીઓવાળી ફરકતી પતાકાથી શોભતો મોટો ધ્વજ. તે
કાન હલાવી રહેલા હાથી જેવો લાગે છે. (૯) કળશ જેના કાંઠે વિકસિત કમળો છે એવો પાણીથી ભરેલો સોનાનો
કળશ. તે સમુદ્રનું મંથન કરવાથી નીકળેલા અમૃતના કુંભ જેવો
લાગે છે. (૧૦) પદ્ધસરોવર : ભમરા જેમાં ગુંજારવ કરી રહ્યા છે એવા અનેક
કમળોથી શોભતું પહ્મસરોવર. તે સરોવર જાણે કે પ્રભુની સ્તુતિ
કરવા માટે કમળોરૂપી અનેક મુખવાળું થયું હોય એવું લાગે છે. (૧૧) ક્ષીરસમુદ્ર (રત્નાકર) : મોટા મોજાઓથી શોભતો ક્ષીરસમુદ્ર. તે
મોજાઓ પૃથ્વી પર પથરાયેલા શરદઋતુના વાદળ જેવા લાગે છે. (સમુદ્રના પેટાળમાં રત્નો હોય છે. તેથી ક્ષીરસમુદ્રને રત્નાકર પણ
કહેવાય છે.) (૧૨) વિમાન : અમિત કાંતિવાળું દેવોનું વિમાન. પૂર્વભવમાં પ્રભુ જે
દેવવિમાનમાં રહ્યા હતા તે જાણે કે પૂર્વભવના સ્નેહથી આવી ગયું હોય એમ લાગે છે.
જે તીર્થકરોના જીવો પૂર્વભવમાં નરકમાં હોય અને ત્યાંથી ચ્યવીને માતાના ગર્ભમાં આવ્યા હોય તેમની માતા બારમા સ્વપ્નમાં ભવન જીવે છે. વૈમાનિકદેવો અને જ્યોતિષદેવોના રહેવાના સ્થાનને વિમાન કહેવાય છે. ભવનપતિદેવોના રહેવાના સ્થાનને ભવન
કહેવાય છે. (૧૩) રત્નોનો ઢગલો : એકઠી થયેલી નિર્મળ કાંતિવાળો રત્નોનો મોટો
ઢગલો. તે ભેગા થયેલા તારાના સમૂહ જેવો લાગે છે. (૧૪) નિધૂમ અગ્નિ : જગતમાં રહેલા તેજસ્વી પદાર્થોના ભેગા થયેલા
તેજ જેવો ધુમાડા વિનાનો અગ્નિ.
માતાજી આ ચૌદ સ્વપ્નો એકદમ સ્પષ્ટ જુવે છે. તે સ્વપ્નો આકાશમાંથી અવતરીને પોતાના મુખમાં પ્રવેશતાં હોય તેવું માતાજી જુવે છે.
