________________
(૬) પંચકલ્યાણકની પૂજા ભણાવવી. (૭) પ્રભુના કલ્યાણકોની દરરોજ સંક્ષેપમાં ઉજવણી કરવી.
પ્રભુના ચ્યવનકલ્યાણક અને જન્મકલ્યાણકનું મહોપાધ્યાય શ્રીવીરવિજયજી મહારાજે સ્નાત્રપૂજામાં કાવ્યાત્મક શૈલીથી સુંદર વર્ણન કર્યું છે. તેના આધારે હાલ ઘણા દેરાસરોમાં શ્રાવકો-શ્રાવિકાઓ દરરોજ પ્રભુના ચ્યવનકલ્યાણક અને જન્મકલ્યાણકની ઉજવણી સંક્ષેપથી કરે છે.
તે જ રીતે પ્રભુના દરેક કલ્યાણકનું કાવ્યાત્મક શૈલીથી વર્ણન કરતી સ્નાત્રપૂજા જેવી બીજી પૂજા બનાવીને તેના આધારે દરરોજ તે તે કલ્યાણકની સંક્ષેપથી ઉજવણી કરવી. હાલમાં એક મહાત્માએ પ્રભુના દીક્ષાકલ્યાણકનું કાવ્યાત્મક વર્ણન કરીને દીક્ષાપૂજા બનાવી છે. બીજા મહાત્માઓ પણ આ દિશામાં પ્રયત્ન કરે તો બીજા કલ્યાણકોની પણ આવી પૂજાઓ બનાવી શકે. મહાત્માઓ ગૃહસ્થોને પ્રેરણા, પ્રોત્સાહન અને માર્ગદર્શન આપે તો સ્નાત્રપૂજાની જેમ બાકીના કલ્યાણકોની પણ નવી રચાયેલી આ પૂજાઓ દ્વારા દરરોજ સંક્ષેપથી ઉજવણી થઈ શકે.
(૮) વર્ષમાં એકવાર દરેક કલ્યાણકની ભવ્ય ઉજવણી વિસ્તારથી અને ઠાઠમાઠથી કરવી. શ્રાવકના વાર્ષિક ૧૧ કર્તવ્યોમાંનું ચોથું કર્તવ્ય છે - વર્ષમાં એક વાર ભવ્ય સ્નાત્રમહોત્સવ કરવો. એવી જ રીતે વર્ષમાં એક વાર બાકીના કલ્યાણકોની ઉજવણીનો ભવ્ય મહોત્સવ ઊજવી શકાય. તે મહોત્સવ પ-૬ કલાક ચાલે. તેમાં વિવિધ રચનાઓ કરી શકાય, જુદા જુદા પાત્રો તૈયાર કરી શકાય, અભિનય-નૃત્ય-સંવાદ વગેરે ગોઠવી શકાય, ગીત અને સંગીત દ્વારા ભક્તિ જમાવી શકાય, રસાળ વિવેચન દ્વારા બધાને પ્રભુભક્તિમાં તરબોળ બનાવી શકાય.
આમ વિવિધ રીતે કલ્યાણકોની આરાધના કરીને આપણે આપણા આત્માને પ્રભુભક્તિથી અને પ્રભુના ગુણોથી ભાવિત કરવો.
પ્રભુના કલ્યાણકો વખતે પ્રભુના આત્મામાં ઘણા ફેરફારો થાય છે અને જગતમાં ઘણા ભૌતિક ફેરફારો થાય છે. જો આપણે ભાવથી પ્રભુના
...૫૮...
