________________
(૨) ચન્દ્રની નક્ષત્રોની સાથેનો યોગ શ્રેષ્ઠ હોય છે. (૩) દિશાઓ સૌમ્ય હોય છે, એટલે કે ધૂળની વૃષ્ટિ વગેરે વિનાની
હોય છે. (૪) દિશાઓ અંધકાર રહિત હોય છે, કેમકે પ્રભુના જન્મ વખતે સર્વત્ર
અજવાળું હોય છે. (૫) દિશાઓ વિશુદ્ધ હોય છે, એટલે કે દાવાનળ વગેરેથી રહિત હોય છે. (૬) બધા શુકનો અનુકૂળ હોય છે. (૭) પવન પ્રદક્ષિણાવર્ત થાય છે. તે સુગંધી અને ઠંડો હોય છે. તે ભૂમિને
અડીને વાય છે. (૮) પૃથ્વી પરના ખેતરોમાં ભરપૂર અનાજ ઊગી જાય છે. (૯) બગીચા, ઉદ્યાનો વગેરેના વૃક્ષો પર ફળો અને ફૂલો લચી પડે છે. (૧૦) ચારે બાજુ લોકો આનંદકિલ્લોલ કરતા હોય છે. (૧૧) સંપૂર્ણ પૃથ્વી જાણે કે પ્રભુનું સ્વાગત કરવા ઉત્સુક હોય એવું લાગે છે. (૧૨) દેવોએ ન વગાડી હોવા છતાં પણ હર્ષથી વાદળ જેવા ગંભીર
અવાજવાળી દેવદુંદુભિ વાગે છે. (૧૩) ચૌદ રાજલોકના બધા જીવોને સુખની અનુભૂતિ થાય છે. (૧૪) વસ્ત્રની વૃષ્ટિ થાય છે. (૧૫) સુગંધી પાણીની વૃષ્ટિ થાય છે. (૧૬) પ્રભુની કાયા અદ્ભુત રૂપવાળી તથા મેલ, દુર્ગધ, પરસેવો અને
રોગ વિનાની હોય છે. (૧૭) પ્રભુના લોહી-માંસ કામધેનુ ગાયના દૂધ કરતા વધુ સફેદ હોય છે. (૧૮) પ્રભુના શ્વાસોચ્છવાસ કમળની સુગંધ જેવા સુગંધી હોય છે. (૧૯) પ્રભુના આહાર-વિહાર અદશ્ય હોય છે. (૨૦) જેમ ઉપપાતશય્યામાં દેવની ઉત્પત્તિ થાય તેમ જરાયુ, લોહી વગેરેના
કલંક રહિત એવા પ્રભુનો જન્મ થાય છે.
...૧૧...
