________________
પડેલ બલિના બાકીના અડધા ભાગમાંથી અડધો ભાગ (મૂળ બલિનો ચોથો ભાગ) રાજા લે છે. બલિના બાકીના અડધા ભાગમાંથી બાકીનો અડધો ભાગ (મૂળ બલિનો બાકીનો ચોથો ભાગ) બાકીના લોકો લે છે. તે બલિનો પ્રભાવ એવો હોય છે કે તેનો એક કણ પણ માથે રાખવાથી જૂના રોગો નાશ પામે છે અને નવા રોગો છ મહિના
સુધી ઉત્પન્ન થતાં નથી. (૨૪) ત્યારપછી પ્રભુ સિંહાસન પરથી ઊભા થઈને ઉત્તરદ્વારથી નીકળીને
બીજા ગઢમાં ઈશાનખૂણામાં રહેલ દેવજીંદામાં જઈને વિશ્રામ કરે છે. (૨૫) બીજા પ્રહરમાં પ્રભુના પ્રથમ ગણધર પ્રભુની પાદપીઠ પર બેસીને
દેશના આપે છે. ગણધર ભગવંત શ્રુતકેવલી હોય છે. તેથી તેમની દેશના સાંભળતાં છદ્મસ્થ જીવને ખબર પણ નથી પડતી કે આ કેવળીની દેશના છે કે છલ્મસ્થની દેશના છે ? અર્થાત્ છદ્મસ્થ જીવને ગણધર ભગવંતની દેશના કેવળીની દેશના જેવી જ લાગે છે. બીજો પ્રહર પૂર્ણ થતાં ગણધર ભગવંતની દેશના પૂર્ણ થાય
છે. લોકો પોતપોતાના સ્થાનમાં જાય છે. (૨૬) દિવસના ચોથા પ્રહરમાં પ્રભુ ફરી દેશના આપે છે. (ર૭) આમ પ્રભુને કેવળજ્ઞાન થયા પછીની પ્રથમ દેશનામાં તીર્થની સ્થાપના
થાય છે. (૨૮) તે પ્રથમ દેશનામાં પ્રભુના તીર્થના અધિષ્ઠાયક યક્ષ-યક્ષિણીની પણ
સ્થાપના થાય છે. તે યક્ષ-યક્ષિણી હંમેશા પ્રભુની સાથે રહે છે
અને પ્રભુના શાસનની રક્ષા-પ્રભાવના કરે છે. (૨૯) ઈન્દ્રો અને દેવો નન્દીશ્વરદ્વીપમાં જઈને અઠ્ઠઈ મહોત્સવ કરે છે.
ત્યારપછી તેઓ પોતપોતાના સ્થાનમાં જાય છે. (૩૦) પ્રભુ ૩૪ અતિશયોથી શોભે છે. ૪ અતિશય જન્મથી હોય છે.
ઘાતી કર્મોનો ક્ષય થવાથી ૧૧ અતિશયો થાય છે. ૧૯ અતિશયો દેવો કરે છે. (જુઓ પરિશિષ્ટ-૩)
૪૨..
