________________
દક્ષિણની શિલાઓ ઉત્તર-દક્ષિણ પહોળી અને પૂર્વ-પશ્ચિમ લાંબી છે, પૂર્વપશ્ચિમની શિલાઓ પૂર્વ-પશ્ચિમ પહોળી અને ઉત્તર-દક્ષિણ લાંબી છે. ઉત્તર-દક્ષિણની શિલાઓ ઉપર ૧-૧ સિંહાસન છે. પૂર્વ-પશ્ચિમની શિલાઓ ઉપર ર-ર સિંહાસનો છે - ૧ ઉત્તરમાં અને ૧ દક્ષિણમાં. ભરતક્ષેત્રમાં જન્મેલા પ્રભુનો અભિષેક દક્ષિણની શિલાના સિંહાસન પર થાય છે. એરવતક્ષેત્રમાં જન્મેલા પ્રભુનો અભિષેક ઉત્તરની શિલાના સિંહાસન પર થાય છે. પૂર્વ-ઉત્તર મહાવિદેહક્ષેત્રની વિજયોમાં જન્મેલા પ્રભુનો અભિષેક પૂર્વની શિલાના ઉત્તર તરફના સિંહાસન પર થાય છે. પૂર્વ-દક્ષિણ મહાવિદેહક્ષેત્રની વિજયોમાં જન્મેલા પ્રભુનો અભિષેક પૂર્વની શિલાના દક્ષિણ તરફના સિંહાસન ઉપર થાય છે. પશ્ચિમ-દક્ષિણ મહાવિદેહક્ષેત્રની વિજયોમાં જન્મેલા પ્રભુનો અભિષેક પશ્ચિમની શિલાના દક્ષિણ તરફના સિંહાસન ઉપર થાય છે. પશ્ચિમ-ઉત્તર મહાવિદેહક્ષેત્રની વિજયોમાં જન્મેલા પ્રભુનો અભિષેક પશ્ચિમની શિલાના ઉત્તર તરફના સિંહાસન ઉપર થાય છે.
પ્રભુના જન્મ વખતે બાકીના ૬૩ ઈન્દ્રોના સિંહાસનો પણ કંપે છે. તેઓ પણ સૌધર્મેન્દ્રની જેમ પોતાના પાયદળના સેનાપતિ દ્વારા બધા દેવોને પ્રભુના જન્મોત્સવને ઊજવવા જવા માટેનો આદેશ જણાવે છે. તે ઈન્દ્રો અને દેવો પોતપોતાના વિમાનમાં બેસીને પૃથ્વીતલ પર આવે છે. નન્દીશ્વરદ્વીપમાં જઈને વિમાનોને સંક્ષેપીને તેઓ મેરુપર્વત પર આવે છે.
૧૦ વૈમાનિક ઈન્દો, ૨૦ ભવનપતિના ઈન્દ્રો, ૩ર વ્યક્તરોના ઈન્દ્રો, સૂર્મેન્દ્ર અને ચન્દ્રન્દ્ર એમ ૬૪ ઈન્દ્રો પ્રભુનો જન્મોત્સવ કરવા મેરુપર્વત પર આવે છે. જો કે સૂર્યેન્દ્ર અસંખ્ય છે અને ચન્દ્રન્દ્ર પણ અસંખ્ય છે, છતાં બધા સૂર્મેન્દ્રોની ૧ જાતિ ગણીને અને બધા ચન્દ્રોની ૧ જાતિ ગણીને સૂર્મેન્દ્ર અને ચન્ટેન્દ્ર ૧-૧ કહ્યા છે. એટલે હકીકતમાં તો મેરુપર્વત પર પ્રભુનો જન્મોત્સવ કરવા માટે અસંખ્ય ઈન્દ્રો આવે છે.
અય્યતેન્દ્ર આભિયોગિકદેવો પાસે પ્રભુના જન્માભિષેક માટેના ઉપકરણો મંગાવે છે. તેઓ આઠ પ્રકારના કળશો બનાવે છે. તે આ પ્રમાણે -
...૧૮...
