________________
(ર) મજ્જનધાત્રી - તે બાળકને સ્નાન વગેરે કરાવે છે. (૩) મંડનધાત્રી - તે બાળકને વસ્ત્રો અને અલંકારોથી વિભૂષિત કરે છે. (૪) કીડાપધાત્રી - તે બાળકને ખુશ કરવા તેને રમાડે છે. (૫) અંકધાત્રી - તે બાળકને હંમેશા ખોળામાં રાખે છે.
પ્રભુના જન્મોત્સવને ઊજવ્યાનો આનંદ હજી દેવતાઓના ઉરમાં સમાતો નથી. તેથી તે આનંદને માણવા પ્રભુના જન્મમહોત્સવની ઉજવણીની ખુશાલીમાં બધા દેવો નન્દીશ્વરદ્વીપમાં જાય છે અને અષ્ટાલિકા મહોત્સવ કરે છે. ત્યારપછી તેઓ પોતપોતાના દેવલોકમાં પાછા જાય છે.
મેરુપર્વતથી દક્ષિણ તરફના ક્ષેત્રો-વિજયોમાં જન્મેલા તીર્થંકરપ્રભુનો જન્મોત્સવ કરવા સૌધર્મેન્દ્ર પાંચ રૂપો બનાવીને પ્રભુને મેરુપર્વત પર લઈ જાય છે. તે પાંડકવનની અભિષેકશિલા પરના સિંહાસન પર ખોળામાં પ્રભુને લઈને બેસે છે. સૌપ્રથમ અભિષેક અય્યતેન્દ્ર કરે છે. પછી ક્રમશઃ બાકીના ઈન્દ્રો અભિષેક કરે છે. અંતે ઈશાનેન્દ્ર પાંચ રૂપ બનાવીને પ્રભુને ખોળામાં લઈને સિંહાસન પર બેસે છે. છેલ્લે સૌધર્મેન્દ્ર અભિષેક કરે છે.
મેરુપર્વતથી ઉત્તર તરફના ક્ષેત્રો-વિજયોમાં જન્મેલા તીર્થંકરપ્રભુનો જન્મોત્સવ કરવા ઈશાનેન્દ્ર પાંચ રૂપો બનાવીને પ્રભુને મેરુપર્વત પર લઈ જાય છે. તે પાંડકવનની અભિષેકશિલા પરના સિંહાસન પર ખોળામાં પ્રભુને લઈને બેસે છે. સૌપ્રથમ અભિષેક અચ્યતેન્દ્ર કરે છે. પછી ક્રમશઃ બાકીના ઈન્દ્રો અભિષેક કરે છે. અંતે સૌધર્મેન્દ્ર પાંચ રૂપ બનાવીને પ્રભુને ખોળામાં લઈને સિંહાસન પર બેસે છે. છેલ્લે ઈશાનેન્દ્ર અભિષેક કરે છે. આમ દેવોએ કરેલો પ્રભુનો જન્મોત્સવ પૂર્ણ થાય છે.
• પ્રભુના પિતાજીએ કરેલ પ્રભુનો જન્મોત્સવ - પ્રભુનો જન્મ થતાંની સાથે પ્રિયંવદાદાસી પ્રભુના પિતાજીને પુત્રજન્મની વધામણી આપે છે. તે સાંભળીને પ્રભુના પિતાજીના હૈયામાં આનંદ સમાતો નથી. તેમની રોમરાજી વિકસિત થઈ જાય છે. તેઓ પુત્રજન્મની વધામણી
...૨૨...
