________________
આપ્તવાણી-૩
દાદાશ્રી : અત્યારે વિશેષ જ્ઞાન એ બુદ્ધિમાં જાય છે અને બુદ્ધિ જોડે અહંકાર હંમેશાં આવે જ. સામાન્ય જ્ઞાન એટલે બધામાં શુદ્ધાત્મા ‘જો જો’ કરવા. આપણે જંગલમાં ગયા હોઈએ ને બધા ઝાડોનાં શુદ્ધાત્મા રીતે દર્શન કરવાં, એ સામાન્ય જ્ઞાન કહેવાય. અને આ ઝાડ લીમડાનું, આ આંબાનું ઝાડ છે. એવું જોવું એ વિશેષ જ્ઞાન કહેવાય. સામાન્ય જ્ઞાન એટલે દર્શન ઉપયોગ.
પ્રશ્નકર્તા : વિશેષ જ્ઞાન અને સંચિત જ્ઞાનમાં શો ફેર ?
દાદાશ્રી : વિશેષ જ્ઞાનમાં બુદ્ધિ વપરાય અને સંચિત જ્ઞાનમાં ચિત્ત વપરાય. બુદ્ધિ કોઈ વાર ખોટી પડે કે, ‘આ ઝાડ મેં કયાંક જોયું છે, ભૂલી ગયો છું' એમ બુદ્ધિને ફેરવ ફેરવ કરવી પડે.
અનુભવીતે, ઓળખવો કઇ રીતે ?
૧૧
પ્રશ્નકર્તા : આપણે આત્મા પકડવો છે, પકડવા જઈએ છીએ, ઘણી ય ઈચ્છા થાય છે પણ પકડાતો કેમ નથી ?
દાદાશ્રી : એ તો એમ ના પકડાય. આત્મા તો શું, આત્માનો પડછાયો પણ પકડાય એવો નથી. આત્માનો પડછાયો પકડેને તો ય કોઈક દહાડો આત્મા જડે.
પ્રશ્નકર્તા : સ્વ-પર પ્રકાશક એવી ચૈતન્ય સત્તાનો અનુભવ થયો એ કેવી રીતે સમજાય ?
દાદાશ્રી : આપણું ગજવું કાપે તો ય રાગદ્વેષ ના થાય, કોઈ ગાળો ભાંડે તો ય રાગદ્વેષ ના થાય તો આપણે જાણવું કે ચૈતન્ય સત્તાનો આપણને અનુભવ છે. એથી આગળ પરીક્ષા કરવી હોય તો હાથ કાપે, કાન કાપે તો ય રાગદ્વેષ ના થાય તો જાણવું કે ચૈતન્ય સત્તાનો અનુભવ છે. ચૈતન્ય સત્તાનો અનુભવ હોય ત્યારે નિર્લેપ ભાવ જ રહે. સમુદ્રમાં હોવા છતાં પાણી અડે નહીં.!
પ્રશ્નકર્તા : એવો જેને અનુભવ હોય એ વ્યક્તિ કેવી રીતે પારખી
શકાય ?
આપ્તવાણી-૩
દાદાશ્રી : એ તો આપણે એમને બે ગાળો દઈએ એટલે ખબર પડે. આમ સળી કરીએ ને તે ફેણ માંડે છે કે નથી માંડતો એની ખબર ના પડે?
૧૨
પ્રશ્નકર્તા : ઘણી વખતે કેટલાકને એવી શાંતદશા હોય તો જ એ શાંત રહી શકે ને ?
દાદાશ્રી : હા, કોઈને શાંતદશા રહી શકે. એમાંથી એ બચી જાય તો આપણે બીજો ઉપાય કરવો પડે. જ્યાં અહંકાર, મમતા ન હોય ત્યાં સ્વ-પર પ્રકાશક આત્મા છે.
પ્રશ્નકર્તા : આ ચૈતન્ય સત્તાનો જેને અનુભવ છે તેને તો જ્ઞાની કહેવાય ને?
દાદાશ્રી : હા, એ જ્ઞાની જ કહેવાય.
પ્રશ્નકર્તા : એવા જ્ઞાનીઓ છૂપાયેલા હોય છે, એમને ઓળખવા મુશ્કેલ છે.
દાદાશ્રી : છૂપામાં જ્ઞાન જ ના હોય. જ્ઞાની તો સંસારમાં ફર્યા કરે. જ્ઞાનીથી છૂપા રહી શકાય જ નહીં. પોતે જે સુખ પામ્યા છે, તે સુખ જ બધા લોકોને આપવાની ભાવના જ્ઞાનીને હોય તેથી ‘જ્ઞાની’ જંગલમાં ના હોય.
પ્રશ્નકર્તા : જ્ઞાની સંસારમાં ભલે હોય પણ જીવો એમને ઓળખી ના શકે ને, કે આ જ્ઞાની છે?
દાદાશ્રી : આમ ઓળખી ના શકે, પણ એમનાં શબ્દો પરથી ખબર પડી જાય. અરે, એમની આંખ જોઈને જ ખબર પડી જાય. આ પોલીસવાળા જેમ બદમાશને આંખ જોઈને તપાસ કરે છે ને, કે આ બદમાશ લાગે છે. એવું આંખ જોઈને વીતરાગી યે દેખાય.
અનુભવ થાય, ત્યારે તો...
પેરાલિસીસ થાય તો ય સુખ ના જતું રહે તેનું નામ આત્માનુભવ.
