________________
આપ્તવાણી-૩
ચિંતવે તેવો થઇ જાય! અમને તો ડૉકટર પૂછે ત્યારે મોઢે બોલીએ કે, ઉધરસ થઇ છે.’ પણ તરત જ એને ભૂંસી નાખીએ. આપણે કહેવું પડે કે ચંદુલાલને ઉધરસ થઇ છે. પણ શુદ્ધાત્માને કંઇ ઉધરસ છે ? એ તો જેની દુકાનનો માલ હોય તેને જાહેર કરવો પડે, પણ આપણા માથે લઇએ એ શું કામનું ?
આત્મામાં દુ:ખ નામનો ગુણ નથી, ચિંતા નામનો ગુણ નથી. પણ ઊંધું, વિભાવિક ચિંતવન કરે તે વિભાવિક ગુણ ઉત્પન્ન થાય. ‘હું ફસાયો’ એવું ચિંતવન થાય કે તે ફસાય. ‘ચોરી કરવી જોઇએ' એવું ચિંતવન કરવા માંડ્યું તો ચોર થઇ જ જાય.
પ્રશ્નકર્તા : આત્મા તો શુદ્ધ જ છે, તો પછી આત્માને આ વસ્તુ કેવી રીતે આવે ?
દાદાશ્રી : આત્મા તો શુદ્ધ જ રહે છે! પણ આ અહંકાર જે કરે છે, જેવું ચિંતવન કરે છે તેવો થઇ જાય છે. એને વ્યવહાર આત્મા, મિકેનિકલ આત્મા કે પ્રતિષ્ઠિત આત્મા કહેવાય. ‘હું નાદાર છું’ ચિંતવે તો તેની સાથે નાદાર થઇ જાય. ‘હું માંદો છું' ચિંતવે તો તેની સાથે માંદો
[૬] આત્મા, તત્વસ્વરૂપે !
આત્મા : કાસ્વરૂપ !
થઇ જાય.
આત્માનો સ્વભાવ કેવો છે ? અચિંત્ય ચિંતામણી છે. એટલે જેવું ચિંતવે તેવું તરત જ થઇ જાય !
આત્મા કલ્પસ્વરૂપ છે. એટલે એનું લાઇટ બહાર ગયું એટલે અહંકાર ઊભો થઇ ગયો. પોતે જાતે ચિંતવે નહિ, પણ જેવું અહંકારનું આરોપણ થઇ ચિંતવાય એટલે તેવા ને તેવા વિકલ્પ થઇ જાય !
પ્રશ્નકર્તા : એટલે સેકંડે સેકંડે આત્માનું સ્વરૂપ બદલાતું જાય ? આપણે તો સેકંડે સેકંડે ચિંતવન બદલીએ છીએ !
દાદાશ્રી : સેકંડે સેકંડે નહીં, સેકંડના નાનામાં નાના ભાગમાં ફર્યા કરે છે, પણ ઉપયોગ એટલો બધો ના હોય કોઇને.
તબિયત નરમ હોય તો એવું કહેવું કે, “ચંદુલાલની તબિયત નરમ રહે છે.’ નહીં તો ‘મારી તબિયત નરમ રહે છે” કહ્યું કે પાછી અસર થાય,
પ્રશ્નકર્તા : આત્મા જેવું ચિંતવે તેવો થઇ જાય, તો આપણે ચિંતવીએ કે મને હજાર રૂપિયા મળી જાય કે બીજી કોઇ વસ્તુ મળી જાય તો તે કેમ ‘ઇફેકટ’માં નથી આવતું ?
દાદાશ્રી : એ “ઇફેકટ'માં “ઓન ધ મોમેન્ટ’ આવે છે, પણ ‘જ્ઞાની”ની ભાષામાં સમજો તો સમજાય. હજાર રૂપિયાનું ચિંતવન કર્યું એટલે તરત જ એ યાચક થઇ ગયો. પૈસા મળવા-કરવાના નહીં પણ પોતે યાચક થઈ જાય. ‘પોતે બહુ દુઃખી છે” એવું ચિંતવે કે પોતાનું અનંત સુખ આવરાય ને દુ:ખિયો થઇ જાય. ‘હું સુખમય છું’ ચિંતવે કે સુખમય થઇ જાય. સાસુ જોડે કચકચ કરે તો ચકચિયો થઇ જાય. પછી તો ચા પીવા માટે ય કચકચ કરે. કારણ કે કચકચનું ચિંતવન કર્યું છે !
આત્મા પોતે અનંત શક્તિવાળો છે ! બધી જ જાતની શક્તિઓ
