________________ અનંતાનુબંધી કષાય જે પરની સાથે તન્મયતા પ્રગટાવવાની તાકાત ધરાવનારો છે તે જ્યારે જાય પછી મિથ્યાદષ્ટિ જાય પછી સર્વજ્ઞની સ્યાદ્વાદ દષ્ટિ પ્રગટે. હવે જિનેશ્વરની પૂજા કરતાં ચિત્ત પ્રસન્નતા વધતી જ જાય. જેણે પરમાત્મપદ ધારણ કર્યું છે એવા આત્માઓ પહેલાબહિરાત્મા– પામર આત્મા જ હતા પણ પછી સદ્ગુરુના સંગથી સમ્યકત્વ પામ્યા. ત્યાર પછી પુરુષાર્થ દ્વારા અંતરંગ ભાવમાં ઝીલ્યા. પામરમાંથી પરમ આત્મા યાને પરમાત્મા બની ગયા. આપણે પણ આ જ કાર્ય કરવાનું છે. અનંતાનુબંધી કષાય અને મિથ્યાત્વનો ઉદય આપણા આત્માને પ્રસન્ન બનવા દેતો નથી. કેમ કે આપણને હજુ પરમાત્મા ગમ્યા જ નથી, માત્ર પ્રતિમા જ ગમી છે. જિનપ્રતિમા જિન સારિખી પ્રતિમામાં સાક્ષાત્ પરમાત્મા ઉપર અપૂર્વ બહુમાન જાગ્યા વિના રહેશે નહિ અને પૂજા કરતાં જે આશાતનાઓ થાય છે તે સ્વયં અટકી જશે, અમારે નહિ કહેવું પડે. જેને સંયમ યાત્રા પ્યારી ન લાગે તેને તીર્થ યાત્રા ફળે નહિ. સંયમના પાલન વિના કરેલી યાત્રા પર્યટનરૂપે બની જાય છે. તીર્થયાત્રા પણ 'છ'રી પાલન પૂર્વક કરવાની છે. જેમાં ભાવવૃદ્ધિ જ ચાલે. સર્વવિરતિના ભાવ પ્રગટે. અજિતનાથ ભગવાનના વખતમાં 72 ક્રોડ આત્માઓ તીર્થને જોતાં જ કેવળજ્ઞાન પામી ગયેલ.જિનાજ્ઞાના પાલન વિના જિન પર વાસ્તવિક પ્રેમ ન પ્રગટી શકે. શ્રાવક 4 મહિના જિનવાણી સાંભળે, અંતરમાં પરિણમે પછી છરીના પાલનપૂર્વક તીર્થયાત્રા કરે એટલે એનામાં સંયમના પરિણામ પ્રગટે. માટે જ જેના મનમાં અરિહંતનો વાસ, ત્યાં ન ટકે મિથ્યાત્વનો વાસ.' માટે જે વિચારણા કરવાની છે તે સર્વજ્ઞના વચન પ્રમાણે જ કરવાની છે. આ જ મિથ્યાત્વને કાઢવાનો સચોટ ઉપાય છે. તો બીજાની વાત કેમ ન સ્વીકારાય? ત્યાં સર્વજ્ઞ નથી. માટે પૂર્ણતા નથી. આપણી પાસે સર્વજ્ઞ છે પૂર્ણતા છે તો બીજાની વાત કેમ સાંભળવી? પણ એનો અર્થ એ નથી કે જ્ઞાનસાર-૨ // 35
