________________
પુનઃ પ્રકાશન વેળાએ
આશરે ૭૮ વર્ષો અગાઉ, વિ.સં. ૧૯૯૧માં, ભાવનગરના શ્રાવકરત્ન પંડિતવર્ય શ્રીકુંવરજી આણંદજીએ ‘પાક્ષિક અતિચાર’નું આ સાથે પુસ્તક તૈયાર કર્યું હતું, જે જિજ્ઞાસુઓ અને અભ્યાસીઓને ઘણું ઉપકારક બન્યું હતું..
તે પુસ્તક વર્ષોથી અપ્રાપ્ય હતું. તેથી તેનું ફરીથી પ્રકાશન થાય તો તે આજે પણ ખૂબ ઉપયોગી અને ઉપકારક બને તેની ખાતરી છે. તેથી જ તેનું આ પુનઃ પ્રકાશન કરવામાં આવ્યું છે.
/
૫.પૂ. પરમગુરુદેવ મુનિરાજ શ્રીવૃદ્ધિવિજયજી (વૃદ્ધિચંદ્રજી) મહારાજની તેમજ તેમના શિષ્યરત્ન પ.પૂ. પંન્યાસપ્રવર શ્રીગંભીરવિજયજી ગણિવરની પ્રેરણાથી સ્થપાયેલ ‘શ્રીજૈન ધર્મ પ્રસારક સભા' દ્વારા સેંકડો ગ્રંથો, મૂળ રૂપમાં તેમજ ભાષાંતર આદિ રૂપે, પ્રકાશિત થયેલા છે. સભાનાં તેમજ ગ્રંથપ્રકાશનનાં સઘળાંય કાર્યોના પ્રાણ પંડિત કુંવરજીભાઈ હતા. પ્રસ્તુત પુસ્તક પણ સભા તરફથી જ પ્રગટ થયું હતું અને આજે પણ સભા દ્વારા જ પ્રગટ થાય છે, તે વાત અત્યંત આનંદવર્ધક છે.
