Shravakna Pakshikadi Atichar

Author(s): Kunvarji Anandji
Publisher: Jain Dharm Prasarak Sabha

Page 9

પ્રયત્ન કર્યો છે; કારણ કે અતિચાર ગુજરાતી ભાષામાં હોવાથી તે ખરી રીતે અર્થસ્વરૂપ જ છે.
પ્રથમના પાંચ આચાર સંબંધી આચારના અતિચારમાં અને ત્યારપછી કહેલા ૩ આચારના અતિચારમાં તે સંબંધી આખી આખી ગાથા કહી છે અને પછી તપાચારના બે અને વીર્યાચારના ૧ અતિચારમાં તેની ગાથાઓનું એકેક પદ જ કહ્યું છે. આ ગાથાઓમાં તે તે આચારના ૮-૮-૮-૧૨(૬-૬) અને ૩ ભેદ છે તે નામ સાથે બતાવ્યા છે. ભણનારાઓ આ ગાથાઓને અતિચારની આઠ ગાથા કહે છે પણ તે ગાથાઓ અતિચારની નહી પણ આચારની છે. આચારથી વિરુદ્ધ પ્રવૃત્તિ કરવી તે અતિચાર છે, એમ ઉપરથી સમજવાનું છે.
દર્શનાચાર ને સમ્યક્ત એ બંને તાત્વિક રીતે એક જ છે; પરંતુ દર્શનાચારના અતિચારમાં સમ્યક્તને અંગે સમ્યવીએ કરવી જોઈતી પ્રવૃત્તિથી વિરુદ્ધ પ્રવૃત્તિઓ અતિચાર રૂપે બતાવેલી છે અને સમ્યક્તના અતિચારમાં તો ખાસ સમ્યકત્વમાં જ લાગે એવાં પાંચ દૂષણો બતાવ્યાં છે. આ કારણથી તે બે અતિચાર જુદા કહ્યા છે. - પાંચે આચારના અતિચાર તો શ્રાવક ને સાધુઓ માટે સરખા જ હોય છે, પરંતુ તેમાંથી ૩ આચારને લગતા અતિચાર સાધુ-અતિચારમાં પણ શ્રાવક પ્રમાણે જ